բարեհաճ վերաբերմունք ցույց տալ ◆ Կամեցել է մեկին քաղցր աչքով նայել, հանրային հողից նրան տնամերձ է հատկացրել։ «ՍՀ» ◆ Ստիպված էի գնալ Պետերբուրգ... և անձամբ ներկայացնել բանաստեղծություններիս հավաքածուն ու խնդրել, որ քաղցր աչքով նայե գործիս: (Ալեքսանդր Ծատուրյան)◆ -Քու ծառան լինենք, քու խարջը միշտ տանք,/Միայն մեր երկիր քարուքանդ չանես/Ու քաղցըր աչքով մեզ մըտիկ կանես: Հովհաննես Թումանյան◆ Հազար անգամ կաց ու ասա՛, թե մովրովը քաղցր աչք է ունեցել քեզ վերա... Խեչանը հավատալ անգամ չէր ուզում։ (Պերճ Պռոշյան)◆ Այդ էլ բավական էր, որ Թոմաս էֆենդին կսկսեր այնուհետև «բարի աչքով» նայել իր հյուրասիրողի վրա: (Րաֆֆի)
սիրելի վերաբերմունք ցույց տալ ◆ Եվ Տորքը գնաց, դուռը լավ կոխեց,/Սուր եղունգներով հղկեց ու կոկեց.../ Երբ նորից գնաց իր տեղը նստեց,/Հայկանուշը նրան քաղցր աչքով նայեց։ (Ղազարոս Աղայան)◆ Ուղղվելով յուր սեգ ու վայելուչ հասակի ամբողջ վեհությամբ, նայեց դայակի վրա քաղցր և վստահությամբ լի աչքերով: (Մուրացան)◆ -Ինձ քաղցր աչքով չնայեցիր, քո ոչխարը չի վաճառվի։ Մուշեղ Գալշոյան◆ Ով հարևանին բարի աչկով կու նայե,/ Հարևանն էլ չի լի խային, անբարի։ (Սայաթ-Նովա)◆ Ալեհեր գլուխը դարձրեց դեպի ջինջ երկինքը, կարծես նրա անհուն խորքից մի աչք քաղցր նայում էր այդ խեղճ մարդկանց վրա։(Ակսել Բակունց)
