քեզ համար

Վիքիբառարան-ից

Հայերեն դարձվածք

  1. առանձնացած ◆ Վա՜յ, վա՜յ, վա՜յ, վա՜յ, զարհումա՜ր, / Դե լաց, մնա քեզ համար: (Դերենիկ Դեմիրճյան) ◆ - Գնա՛, ասեց, բազմությունն էնտեղ հավաքված ա, քեզ համար մի քնջում (անկյուն) կանգնի՛ր: (Պերճ Պռոշյան)
  2. ինքդ քո մեջ ամփոփված, գլուխդ կախ ◆ Ապրում ես քեզ համար - մեկ էլ տեսար հասարակ բան, մի խուլ... և վերջ: Ստեփան Զորյան ◆ - Հերիք էր, պ. Սուրեն, հերիք էր. չես ուզում - էն դուռը, էդ դու - գնա, քեզ համար սուս ու փուս:
  3. ազատ, հանգիստ, քո գլխի ◆ - գնա, քեզ համար սուս ու փուս: ◆ - Գացիր դուրսերը, ուրիշ երկրներ, ուրիշ մարդիկ. ազատ քեզի համար, ինքդ քու գլխուդ: Լևոն Շանթ ◆ - Կու ապրիս քիզ համար, ամա խիլքիդ զոռ մի՛ տա: Գաբրիել Սունդուկյան
  4. քո ուզածի պես, քո քեֆին ◆ - Այն ժամանակ կռնակիդ թեք կընկնես ու քեզ համար քեֆ կքաշես: Սերո Խանզադյան ◆ - Դիփունանց աճկիրը աբլանդվա իս արի ու հիմի ծանդր ու բարակ քիզ համա նստած քե՛փ իս անում, է՛լի: Գաբրիել Սունդուկյան
  5. ինքդ քեզ, հենց այնպես ◆ Դու էլ քեզ համար քու տանը քընած՝ / Ուրիշի համար երազ ես տեսնում: Հովհաննես Թումանյան

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։