քիթը բարձրացնել

Վիքիբառարան-ից
Jump to navigation Jump to search

Հայերեն դարձվածք

Քիթը բարձրացնել¹

  1. Գոռոզանալ․ գոռոզամտել ◆ Պատրաստ վարպետությունք սորվել և այնուհետև քիթը մինչև ի Կոկիսոն հայոց բարձրացնել, թե ես Քանթի, Ֆիխթեի․․․ և այլն և այլն փիլիսոփայությունքն եմ սորվել (Միքայել Նալբանդյան) ◆ Մեծերին մարդատեղ չեն դնում ու սրա-նրա հարս ու աղջիկների վրա քիթ են բարձրացնում, ծաղրում (Պերճ Պռոշյան) ◆ Քթերն այնքան բարձր են բռնում, կարծես ամեն մեկը մի փիլիսոփայությանդոկտոր է Ստեփան Զորյան ◆ -Ի՞նչ խոսք ունիս, որ քինթը կես գազ վերև ա բռնում, ոչովի [ո՛չօվի] հետ արժանի չի տեսնում խոսալու (Պերճ Պռոշյան)
Քիթը բարձրացնել²
  1. Երևալ, քիթը ցույց տալ ◆ Ի վերջո քաղաքի խեղճ բնակիչները զարհուրում էին քթները բարձրացնել և չէին բարձրացնում Եղիշե Չարենց

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։