քիթը կախել
Հայերեն դարձվածք
- ա․ առաջին նմուշի մեջ ◆ Չոլախ Հարությունը շտապեց․․․ հոնքերը ժողոված, քիթը կախած․․․ առաստաղին նայել (Պերճ Պռոշյան) ◆ -Հա՛, այդպես․ քիչ մը ժպիտ։ Ինչ է առտվընե ի վեր քիթդ կախեր, նստեր ես Գևորգ Աճեմյան ◆ Քիթ ու մռութ, նոթերը մութ / Կախ են գցեր մինչև գետին (Ավետիք Իսահակյան) ◆ Իսկ երկինքը նորից կախել է քիթը։ Ամպերը լողում են քսվելով ծառերի կատարներին (Մ․ Սարգսյան)
- բ․ Դժգոհել ◆ Բայց մեկել տեսար՝ չդիմացան, քթները կախեցին և հայդա՜ ԳԱրչ ◆ -Ամեն տեղ էլ գնացե՛ք, թե չէ ես պրծնիլ չեմ, երկու գազ քինթ կախ կքցեն (Պերճ Պռոշյան) ◆ Դևեր գքիթ [ըզքիթ] ու մռութ ուրանց կը կախին, հմա ահուց չըն կռնա [կը՛ռնա] ճըռտուն [«ծպտուն»] հանի
- գ․ (արևմտհ․) (քիթ ու բերան կախել) Նեղանալ ◆ Եվ իմ այս դիտողությունից, խնդրում եմ, թող ոչ ոք չկախի իր հայկական քիթը Հովհաննես Հովհաննիսյան ◆ -Ծո ես քեզի ի՞նչ ըսի որ քիթդ կախեցիր, այդքա՞նն ալ չըսեի, անաստված Արմեն Դարյան ◆ -Ի՞նչ կ’անվանեք դուք այն տղան, որ քիթ ու բերան թիզ մը կը կախե, երբ իր անշնորհքությունը իրեն հասկցնել կ’ուզեն Լևոն Շանթ
- դ․ (արևմտհ․) (քիթն ու բերանը կախել) Խռովել ◆ Այս խոսքը բավական եղավ որ նշանածը քիթն ու բերանը կախե Շահան Շահնուր ◆ Փոքրավորը կը լռե, բայց հանդիմանվելուն պատճառավ քիթը սմբուկի պես կը կախե
- ե․ ((խսկց․) քիթը ու մռութը երկարացնել ) առաջին նմուշի մեջ ◆ Նրա խուսափուկ, անտարբեր խոսակցությունից ես տխրում էի, քիթս կախում Գուրգեն Մահարի ◆ Ֆաննիի ուրախությունը զիս ալ ուրախացուց, բայց կեսօրե վերջ քիթս կախեցի, որովհետև երկու բարեկամուհիները իրար մոտ մնալով ես զրկվեցա Ֆաննիիես Շահան Շահնուր ◆ -Ի՞նչ ես քիթ ու մռութդ երկու գազ երկարացրել, աշխարհքումս ո՞վ է հավիտենական ու անմահ (Պերճ Պռոշյան)
- զ․ ((խսկց․)քիթ ու մռութը քաշ անել) Հուսահատության նշան(ներ) ցույց տալ ◆ Դիրքի պարզեցման հեռանկարից չընկճվել։ Դժվար դիրքում հայտնվելիս քիթը չկախել Հձ ◆ «Ուրեմն գործերն այնքան էլ վատ չեն․․․ քիթդ շատ մի կախիր» Պերճ Զեյթունցյան ◆ Խեղճերը հույսերը կտրեցին, ձեռքերը խաչեցին, քթերը վայր թողին Ն-Դ ◆ Ոսկրաբույժ խաթունը շատ հուսահատ է, քիթ ու մռութը քաշ է արել (Պերճ Պռոշյան)
- է․ (ա/մ (բրբ․) քինթը կախել) Հիվանդի երևույթ ունենալ
Աղբյուրներ
[խմբագրել]- Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։
Կատեգորիաներ:
- Հայերեն դարձվածքներ
- Քաղվածք/Պերճ Պռոշյան
- Քաղվածք/Գևորգ Աճեմյան
- Քաղվածք/Ավետիք Իսահակյան
- Քաղվածք/Մկրտիչ Սարգսյան
- Անհայտ բարբառով հայերեն բառեր
- Քաղվածք/Հովհաննես Հովհաննիսյան
- Քաղվածք/Արմեն Դարյան
- Քաղվածք/Լևոն Շանթ
- Քաղվածք/Շահան Շահնուր
- Հայերեն բառեր խոսակցական իմաստով
- Քաղվածք/Գուրգեն Մահարի
- Քաղվածք/Պերճ Զեյթունցյան
- Հայերեն բարբառային բառեր
- Բառեր «Հայերեն դարձվածքների ընդարձակ բացատրական բառարան» գրքից