քրտինք թափել
Հայերեն դարձվածք
- ծանր աշխատանք կատարել ◆ - Տասն տարի է խեղճ տղան էս օջախի մեջ քրտինք է թափել, ոսկոր մաշել։ Աշոտ Հովհաննիսյան ◆ - Քեզ համա՞ր եմ դառը քրտինք թափել: (Պերճ Պռոշյան) ◆ - Ո՞ւր ա մեր հալալ քրտինք թափելով, աշխատանքով ուտելու օրը։ (Պերճ Պռոշյան) ◆ Իր արյունը կը չորանա քրտինք թափելով մեզ համար... իր կյանքը մաշած է մեզ համար։ (Զաբել Եսայան) ◆ - Ո՞վ քեզ կանչեց, որ անես, ո՞ւր էիր հողի վրեն քրտինք թափում: Վրթանես Փափազյան ◆ Հողի աշխատավորը մի կտոր հողի վրա քրտինք քամեց: «Գարուն» ◆ - Դուս իս գնում, քրտինք իս քաշում... տուն իս գալիս մե թիքա հացը քնթետ հանում ին։ Գաբրիել Սունդուկյան ◆ Մարդիկ քրտինք են կաթեցնում, արդյունքը՝ հայտնի չէ թե ով կվայելի։ (Ստեփան Ալաջաջյան) ◆ - Իզուր կչարչարվես, հետո էլ գլխիդ կտան ու էս թափած քրտինքդ վրա կերթա։ Վրթանես Փափազյան ◆ Քո կիրճեչից ջուր խմելու համար / Ամպերը յոթ սև քրտինք են թափում: Համո Սահյան
- մեծ ջանք գործադրել ◆ Քրտինք թափին ու քանդեցին / Բերդ ու ժայռը բռնության։ (Ավետիք Իսահակյան) ◆ Փիլիսոփա հարցաքննիչ դատավորը երկու ժամ քրտինք էր թափած...տառացի, իր ամեն մեկ բառը կրկնել տալու։ (Ավետիք Իսահակյան) ◆ Դուք...ի փառս Ագապյանի (վարուժանի) մինչև ցայդ սուրբ քրտինք թափեցիք: Պետրոս Դուրյան
- մեծ երախտիք ունենալ ◆ Նրա մի տարի տվել էին Դսեղ հյուսնի աշակերտ՝ «վրադ քրտինք ենք թափել»: (Հրանտ Մաթևոսյան)
Աղբյուրներ
[խմբագրել]- Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։
Կատեգորիաներ:
- Հայերեն դարձվածքներ
- Քաղվածք/Աշոտ Հովհաննիսյան
- Քաղվածք/Պերճ Պռոշյան
- Քաղվածք/Զաբել Եսայան
- Քաղվածք/Վրթանես Փափազյան
- Քաղվածք/«Գարուն»
- Քաղվածք/Գաբրիել Սունդուկյան
- Քաղվածք/Ստեփան Ալաջաջյան
- Քաղվածք/Համո Սահյան
- Քաղվածք/Ավետիք Իսահակյան
- Քաղվածք/Պետրոս Դուրյան
- Քաղվածք/Հրանտ Մաթևոսյան
- Բառեր «Հայերեն դարձվածքների ընդարձակ բացատրական բառարան» գրքից