պայթել (+ փխբ.) ◆Քիչ անց էլեկտրակայանը հօդս ցնդեց։ (Դասագիրք)◆Հազիվ էր երևացել առաջին փափախավոր գլուխը, երբ ամբողջ կայարանը թնդաց բացագանչություններից, ամբողջ կայարանը հօդս ցնդեց: Եղիշե Չարենց
(օդի մեջ՝ օդում ցնդել) կորչել, չքանալ ◆Որպես երազ, մեկ էլ տեսար, այդ վայելքը խաբուսիկ / Օդը ցնդեց - և քեզ նորից ճնշեց կյանքի փոթորիկ։ (Ալեքսանդր Ծատուրյան)◆Հօդս ցնդեց / Երկրորդ / Ինտերնացիոնալը / Իր խեղկատակ, զազիր հերոսների ձեռքով։ Եղիշե Չարենց◆Հօդս ցնդեց հիտլերյան բանակների անպարտելիության առասպելը։ «ՍՀ»◆Եվայի կուսական անմեղ, անարատ գեղեցկությունը կամաց-կամաց... ցնդում է օդի մեջ... իբրև հրաշալի մի երազ։ Ն-Դ◆Ճառեր են ասում՝ կատարը տաք-տաք, / Էն էլ ի՜նչ ճառեր, ի՜նչ ուխտ ու խոստում / Ազգին օգնելու... Բայց մի հավատաք -/ Վաղն այդ բոլորը կըցնդի օդում: (Ալեքսանդր Ծատուրյան)
(արևմտհ. օդին մեջ ցնդիլ) անհետ կորչել ◆Խնդիրներ կը կարգադրվին, անուշի կը կապվին և ժպիտը կը ցնդի օդին մեջ: Շահան Շահնուր
(անխրխս. օդի մեջ ցնդվել) փչանալ, փչացվել, կորչել ◆Փոշու նման օդն է ցնդում ժողովրդի արյան քրտինքով կազմված ամենատեսակ գումար։ (Պերճ Պռոշյան)◆Ժողովրդական խոշոր հարստություններ՝ մի քանի հարյուր միլիարդների հօդս ցնդեցին: Եղիշե Չարենց◆Պետք է նրա մահից հետո ամեն ինչ ոչնչանար, և ամեն ինչ ցնդվեր օդի մեջ: (Րաֆֆի)
(օդում պայթել, արևմտհ.՝ օդերուն մեջ ցնդիլ) ոչնչանալ ◆Ոտքի՛, և օդերուն մեջ թո՛ղ ցնդին, օդերուն մեջ թող մոխրանան, / Մեր դահիճներուն սա՛ պատժապարտ պալատներն արյունաթոր։ Սիամ◆«Լսում եմ, որ սոցիալիստական ծրագիրը պայթել է օդում»: «Հայաստանի Հանրապետություն»
(արևմտհ. օդին մեջ ցնդիլ) ի չիք դառնալ, զուր անցնել ◆Ի դերև ելան և հօդս ցնդեցին ազգային համաձայնության... միասնական ճակատի ճամարտակությունները։ «Հայաստանի Հանրապետություն»◆Գրել էիր, որ դեկտեմբեր ամսին կխաղացվի իմ «Կապկազը». հօ՞դս ցնդեց արդյոք։ Եղիշե Չարենց◆Մեր երկարամյա դասախոսությունները... գործունեությունն է որ հօդս կը ցնդին: Երվանդ Օտյան◆Ամբողջ իր հույսերն էին որ օդին մեջ կը ցնդեին: Երվանդ Օտյան◆Քիչ առաջվա բոլոր մանրակրկիտ հաշիվները հօդս ցնդեցին: Պերճ Զեյթունցյան◆-Ի՞նչ օգուտ կրցին ունենալ այնչափ զոհողությունները... ոչինչ, բոլորն ալ հօդս ցնդեցան: Պետրոս Դուրյան
