օձիքը բռնել

Վիքիբառարան-ից

Ժ

Հայերեն դարձվածք

  1. նեղել, պատին դեմ անել ◆ - Սեղմեք, ընկեր Աշուղյան, ամուր բռնեք օձիքը։ Գուրգեն Մահարի ◆ - Ահա թե ո՛ւմ օձիքից պետք է բռնել և հաշիվ պահանջել։ Ն-Դ ◆ - Սալոմոն օձիքս բռնեց և ըսավ որ եթե քանի մ'օերն չը վճարեմ ամսվան վարձը, կարսաներս փողոցը պիտի նետե։ Պետրոս Դուրյան
  2. կպչել (փխբ․) ◆ – Նոր բնակարան ստանան նե [«եթե»] ամուսիններուն օձիքը կը բռնեն: ◆ - Իմ մասիս ալ մտածե։ ... Հեռախոս մը բեր տուն։ «Ոզնի» ◆ - Հետևում է ինձ շուքի պես և վերջը պիտի բռնի օձիքիցս և ասի. «Հաշիվ տուր, ես քո դատավորն եմ»։ ԱլՇ ◆ Սաստիկ բարկացավ, հորս քովեն ելա, մայրա օձիքես բռնեց: Երվանդ Օտյան
  3. բռնել ◆ Մի՞թե այդպես էլ ոչ մի ոստիկան չի բռնելու նրա օձիքից: Երվանդ Օտյան ◆ Չե՞ն բռնի իր օձիքը, չե՞ն մեղադրի թույլ հսկուղության համար։ Գուրգեն Մահարի

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։