Հայերեն

Դասական ուղղագրութեամբ՝ սենեակ

վանկեր՝ սեն•յակ

Ստուգաբանություն

Թերևս կապ ունի հնդեվրոպական *sk՛i- «թույլ փայլել, ստվեր» արմատի հետ, բայց հնչյունական հարաբերությունը պարզ չէ. հմմտ. հատկապես մի կողմից՝ հունարեն σκηνή «վրան, բեմ, սրահ», մյուս կողմից՝ ռուսերեն сень «հովանի», сени «սրահ, նախասենյակ»:

Գոյական

բնակարանի կամ շինության յուրաքանչյուր բաժանմունքը, որ մյուսներից բաժանված է պատերով (միջնորմներով) և ունի իր դուռը (դռները)՝ պատուհանները և այլն ◆ Այդ կոկիկ սենյակը տիկնոջ առանձնարանն էր: (Րաֆֆի)
հյուրանոցի համար ◆ Նա «Լոնդոն» հյուրանոցում բաց արեց Բազենյանի սենյակի դուռը և ներս մտավ: (Նար-Դոս)
հատուկ բաների հատկացված բաժանմունք հիմնարկություններում, կայարաններում և այլն ◆ Մոր և մանկան սենյակ: ◆ Հանգստի սենյակ: ◆ Խաղերի սենյակ :
(փխնն․) սենյակում հավաքված մարդիկ ◆ Սենյակը դարձյալ աղմկեց:

Հոմանիշներ

սրահ, օթախ (գվռ․)
համար, հյուրանոցահամար

Արտահայտություններ

սենյակը չափել, սենյակի երկարությունը չափել - սենյակում քայլել՝ գնալ-գալ, անձուդարձ անել սենյակում ◆ Շահյանը իր սովորության համաձայն չափում էր սենյակի երկարությունը: (Նար-Դոս)
սենյակում նստած - շրջապատից կտրված, առանց նրա հետ շփվելու, մեկուսացած ◆ Սենյակում նստած չի կարելի գրել կյանքի մասին: («Սևան, պատմվածք պատմվածք գրելու մասին»)
առագաստի սենյակ - հարսի ու փեսայի ննջարան

շարունակել․․․