ազատ

Վիքիբառարան-ից

Megaphone.svg ՄՀԱ(key): [ɑˈzɑt]

Ազատության արձանը Լիբերթի կղզում՝ ԱՄՆ Նյու Յորք քաղաքի մոտ

Դասական ուղղագրութեամբ՝ ազատ


Վանկեր՝ ա•զատ 

Ստուգաբանություն[խմբագրել]

Փոխառություն է իրանական աղբյուրից. ավեստա՝ āzāta-, միջին պարսկերեն՝ āzāt, պարսկերեն՝ āzād:

Ածական[խմբագրել]

  1. ուրիշի կամքից կախում չունեցող, ինքնիշխան ◆ Ավելի լավ է ազատ մեռնենք, քան ստրուկ ապրենք: (Մուրացան)
  2. պատասխանատվությունից հարկադրանքից արգելքներից զերծ
  3. որևէ բանով չկաշկանդված
  4. պաշտոնական զբաղմունքներից զերծ ◆ Նա այս ժամին ազատ է:
  5. անմասն, զերծ
  6. թափուր, չզբաղեցրած ◆ Արի հրավիրենք, որ մեր տանը մնա, ազատ տեղ հո շատ ունենք: (Նար-Դոս)
  7. անկաշկանդ՝ համարձակ՝ աներկյուղ ◆ Լավ է ազատ լաց ըլնիլը, քանց դարդ տանիլն անմռունչ: (Հովհաննես Հովհաննիսյան)
  8. ընդարձակ, լայնարձակ ◆ Հորիզոնները հրդեհվում էին իրենց ամայի, ազատ ափերում: (Ավետիք Իսահակյան)
  9. արձակ (զգեստի մասին)
  10. առանց հսկողության թողնված ◆ Ա՜յ երկիրը... ապարանքդ ազատ բաց թող ու գնա քու գործին: (Հովհաննես Թումանյան)
  11. ազատության մեջ գտնվող, չձերբակալված ◆ Մին էր ինձ համար, ազատ թե բանտում: (Հովհաննես Թումանյան)
  12. չամուսնացած, ամուրի ◆ Ազատ մարդ եմ, ամուրի: (Հովհաննես Թումանյան)
  13. սիրած կամ նշանած չունեցող

Մակբայ[խմբագրել]

  1. ազատորեն

Գոյական[խմբագրել]

  1. ազատություն (բնստ․)

Հոմանիշներ[խմբագրել]

  1. ինքնագլուխ, ինքնակամ, կամազատ
  2. անկաշկանդ, անբռնադատ, անշղթա, ինչպես ձուկը ջրում
  3. անարգել, անխափան
  4. անկախ, ինքնիշխան, ինքնվար, ինքնօրեն
  5. թափուր, բաց, անզբաղ, պարապ

Արտահայտություններ[խմբագրել]

  1. ազատ բանատողեր - բանաստեղծական տողի հատվածների անհավասար քանակությամբ վանկա-շեշտային բանատողեր
  2. ազատ զգացմունք - հոնորային մտավոր աշխատանքով ապրողների զգացմունքը
  3. ազատ ոճ - կամովին ընտրվող մարզաձև
  4. ազատ վարժություններ - առանց գործիքների մարմնամարզական վարժություններ
  5. ազատ ունկդիր - բուհական դասախոսությունների և այլն կարգի պարապունքների մասնակցելու թույլտվություն ունեցող բայց որպես ուսանող չգրանցված և ուսանողական իրավունքներից չօգտվող անձ
  6. ազատ օդ
    1. օդային բաց տարածություն
  7. ազատ ոտանավոր - տողերի շեշտված և անշեշտ վանկերի կամայական քանակով ու հարաբերակցությամբ ոտանավոր