դրություն
Հայերեն
- ՄՀԱ՝ [dɾutʰˈjun]
Դասական ուղղագրութեամբ՝ դրութիւն
վանկեր՝ դ(ը)ր•ութ•յուն
Ստուգաբանություն[խմբագրել]
Գոյական
- այն պայմանները, որոնց մեջ որևէ մեկը կամ որևէ բան գտնվում է, կացություն, վիճակ ◆ Երկրի տնտեսական դրություն:
- մարդու մարմնական կամ հոգեկան վիճակը ◆ Հիվանդի դրությունը լավանում է։
- հասարակական կամ քաղաքական կացություն ◆ Սոցիալական դրությամբ նա ծառայող է։
- ապրուստի վիճակ, ապրելու կերպը՝ մակարդակը,
- հանգամանքները, իրադրություն ◆ Աննախանձելի դրություն:
- (հնց․) համակարգություն, համակարգ, սիստեմ
- դրվածք
- տե՛ս դրույթ
Հոմանիշներ[խմբագրել]
- վիճակ, կացություն, հալ (ժղ․)
- ապրուստ, ապրելակերպ, գոյություն, կյանք (ժղ․)
- վիճակ
- տե՛ս իրադրություն
- տե՛ս դրվածք
- տե՛ս համակարգ
Արտահայտություններ[խմբագրել]
- դրությունը փրկել - դժվար կացությունից դուրս գալու ելք գտնել
- դրության հետ հաշտվել - հանգամանքներին հարմարվել՝ համակերպվել
- դրության մեջ մտնել մեկի - մեկի վիճակը՝ դրությունը հասկանալ և հաշվի առնել
- դրության տեր - տվյալ պայմաններում՝ հանգամանքներում տիրող՝ առաջնակարգ դիրք գրավող՝ իր կամքը թելադրող
- արտակարգ դրության համար հաստիքացուցակ - արտակարգ իրավիճակում տարբեր միավորումների մեջ մարդկանց վերաբաժանում ըստ ժամանակացույցի
- արտակարգ դրություն - պետությունում կամ նրա առանձին շրջաններում որոշակի ժամկետով մտցվող հատուկ իրավական ռեժիմ՝ կապված ստեղծված արտակարգ իրադրության հետ, որը պայմանավորված է սոցիալ-քաղաքական, տնտեսական, ազգային, կրոնական և այլ հակասությունների կտրուկ սրման շրջանում հասարակության ու պետության ճգնաժամային վիճակով, ինչպես նաև բնական ու մարդածին բնույթի արտակարգ իրավիճակներով
- զգաստ դրություն
- մարտական դրություն - մարտական համակարգերի, սպառազինության ու ռազմական տեխնիկայի, ինչպես նաև դրանց տարրերի լիակատար պատրաստության մարտական խնդրի կատարմանը (մարտական կիրառմանը)
- մարտական դրությունում ոչ շփումային ականի գտնվելու ժամանակը - տե՛ս ական՝ ազդեցության նկատմամբ ականի զգայունության շրջան
- շահեկան դրություն
- ռազմական դրություն - հատուկ իրավական ռեժիմ, որը արտակարգ իրադրությունում (պատերազմ, ապստամբություն և այլն) երկրում կամ նրա մի մասում մտցնում է պետության բարձրագույն իշխանությունը
- ռազմական դրություն մտցնելը
| Բաղադրյալ բառեր | |
| Թարգմանություններ | |
Աղբյուրներ[խմբագրել]
- Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
- Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
- Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
- Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
- Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։