Կաղապար:Օրվա բառ/Ապրիլի 15, 2016 թ.
մորուք գո
Հայերեն
Դասական ուղղագրութեամբ՝ մօրուք
վանկեր՝ մո•րուք
Գոյական
- տղամարդկանց ստորին ծնոտի և այտերի վրա բուսնող մազեր ◆ Մելիքը մորուքը ներկել էր հինայով: (Րաֆֆի) ◆ Մորուքը մտքին պես է. կարճ է: Հակոբ Պարոնյան
- մի քանի կենդանիների կզակից կախ ընկած երկար մազափունջը ◆ Հետին ոտներ վրա բարձրացած ցատկոտում էր մի այծ ահագին պոզերով ու երկար մորուքով: (Նար-Դոս)
Հոմանիշներ
- մորուս, մորու (հնց․), (ժղ․)՝ միրուք, մուրուք (գվռ․)՝ կրծիկ, կրծլակ
Արտահայտություններ
- մորուքը համրել - ինչ լինելը՝ թույլ կողմերը լավ իմանալ
- մորուքը մեկի ձեռքը տալ - ուրիշի ազնդեցության տակ ընկնել, իր վրա իշխող դարձնել
- մորուքը փետել
- ծանր վշտից սգալ՝ ողբալ
- լիովին իրեն ենթարկել (կինը՝ տղամարդուն)
- մորուքի մազերը համրել - նույնն է՝ մորուքը համրել
- մորուքի տակովն անց կենալ - հարևանցիորեն մեկի միտքն իմանալ, տրամադրությունը շոշափել
- մորուքին խնդալ ծիծաղել - ձեռ առնել, ծաղրել
- մորուքի տակ - տե՛ս մոտ, մոտիկ
- մորուքին թքել - տե՛ս անպատվել, անարգել, վիրավորել
- մորուք մորուքի տալ - տե՛ս զրուցել