Կաղապար:Օրվա բառ/Դեկտեմբերի 25, 2015 թ.
տաքացնել բայ
Հայերեն
վանկեր՝ տա•քաց•նել
Բայ
- իրենից ջերմություն հաղորդել, իր ջերմությունը արտասփռել ◆ Եվ չնայելով, որ արևը տաքացնում էր դեռ, այնուամենայնիվ, ցուրտը զգալի էր սարահարթում: (Րաֆֆի)
- տաք դարձնել, կրակի կամ որևէ ջերմության ազդեցությամբ տաքության՝ ջերմության աստիճանը բարձրացնել ◆ Դրանք մենավոր հովիվների խարույկներն են, որ նրանք վառել էին սարում մի փոքր կաթ տաքացնելու և իրանց քաղցը հագեցնելու համար: (Րաֆֆի)
- տաք դարձնել, հաճելի՝ դուրեկան ջերմությամբ լցնել, այնպես անել, այնպես անել որ այլևս չմրսի ◆ Երբեմն էլ տաքացած ձեռքերը երեսին էր տանում ու շոյում այտերը: (Ակսել Բակունց)
- (փխբ․) ջերմացնել, կյանքով՝ ջերմությամբ լցնել՝ համակել ◆ Բայց այդ արևը ձմեռային դժվար թե սիրտդ տաքացնե: Եղիշե Չարենց
- շիկացնել ◆ Նրա մարմինը այրում էին տաքացրած շամփուրներով: (Րաֆֆի)
- (փխբ․) մի բանով ոգևորել, այնպես անել, որ հրապուրվի՝ տարվի
- (փխբ․) գրգռել, բորբոքել ◆ Գդակը թեքած աջ ականջի վրա, նա տաքացնում էր յուր ամեհի ձին: Հովհաննես Թումանյան
- հարված հասցնել մի տեղին՝ այնպես, որ կարմրի՝ տաքանա ◆ Կանչում են «Աթո, լախտը թռցրու, Մեր պապի մեջքը մի լավ տաքացրու: Վահրամ Մավյան
- (փխբ․) պահել, խնամել, հովանավորել ◆ Կերակրի, տաքացրու, մինչև գարուն ապրեցրու: (Աթաբեկ Խնկոյան)
- (փխբ․) հանդիմանել, խստորեն կշտամբել, շշպռել ◆ Դե, իհարկե, գումարտակի հրամանատարն ինձ մի լավ կտաքացնի: Սերո Խանզադյան
- տենդով՝ էրոցքով բռնվել, ջերմել
Հոմանիշներ
- ջերմացնել
- ջեռուցել, ջերմացնել, ջերմավորել, ջրաջեռուցել
- տե՛ս շիկացնել
- հրապուրել գրավել, առինքնել, հմայել, դյութել