Կաղապար:Օրվա բառ/Հոկտեմբերի 16, 2015 թ.
սթափվել բայ
Հայերեն
վանկեր՝ (ը)ս•թափ•վել
Բայ
- գինովությունից՝ խմիչքի ազդեցությունից ազատվել, զգոնանալ ◆ Ձայնեցին նախարարները մի տեսակ սթափվելով գինովությունից: Դերենիկ Դեմիրճյան
- թմրության՝ ընդարմացման վիճակից դուրս գալ, ուշքը վրան գալ ◆ Նա սթափվեց թմբուկների որոտից: (Ակսել Բակունց)
- մտամոլոր՝ մտասույզ վիճակից դուրս գալ, ինքնամոռացման վիճակից դուրս գալ, զգաստանալ ◆ Յուր ցնորմունքից սթափվեց Անդրին: Հովհաննես Թումանյան
- արթնանալ ◆ Վարդի կոկոնը քնից սթափվեց ու կուրծքը բացեց: Հովհաննես Թումանյան
- իր վարքագծի՝ մտադրությունների՝ մտքերի և այլնի սխալ կամ վատ լինելը գիտակցելով՝ հրաժարվել դրանցից, խելքի գալ ◆ Սթափվել է մոլորությունից: (Նաիրի Զարյան)
- (փխբ․) վերակենդանանալ, զարթոնք ապրել ◆ Երկիրը՝ թմրած, ցրտամեռ, հանկարծ սթափվեց գարունքվա կյանքով: Հովհաննես Թումանյան
Հոմանիշներ
- զգաստանալ, զգոնանալ, ուշաբերվել, խելաբերվել, լրջանալ, ուշքի գալ, խելքի գալ, խելքը գլուխը գալ, խելքը գլուխը լինել, խելքը գլուխը հավաքել, խելքը գլուխը ժողովել, ուշքը գլուխը գալ, ուշքը գլուխը հավաքել
- տե՛ս արթնանալ
- տե՛ս վերակենդանանալ