Կաղապար:Օրվա բառ/Հունիսի 16, 2017 թ.
Հայերեն
Դասական ուղղագրութեամբ՝ տախտակամած
վանկեր՝ տախ•տա•կա•մած
Գոյական
- նավի վրայի տախտակե հորիզոնական ծածկույթը ◆ Մի օր էլ Թորոսիկը շոգենավի տախտակամածի վրա ելավ: (Ակսել Բակունց)
- տախտակից շինած` տախտակապատ հատակ ◆ Երբ տանը ամեն ծակ ու ծուկը մի առ մի քննեցին, սկսան տախտակամածները քակել... խոհանոցի ծխնելույզը փլցնել: «Երևանյան օրեր» ◆ Պատերը ու տախտակամածը ծածկող օթոցները ամեն ձայն ու աղմուկ կըխեղդեին: (Գրիգոր Զոհրապ)
- տախտակե ծածկույթ` պատ` պարիսպ, տախտակով պատած տարածություն ◆ Իշխանը հրամայեց կամուրջը պատել տախտակամածով, որի վրայից անցավ զորքը: (Րաֆֆի)
- տախտակաշեն հարթակ զանազան նպատակների համար
Ածական
- տախտակով պատած` ծածկած, տախտակաշեն ◆ Սրահի մեջտեղը, գորգերով ծածկված մի տախտակամած բարձրության վրա, դրված էր Ներսեսի դին: Ստեփան Զորյան
Հոմանիշներ
- վերնահարկ, կամրջակ (նավի վրայի տախտակե հորիզոնական ածկույթը)
- տախտակահատակ, հատակամած, տախտակվածք
- հարթակ, տախտամած (շինարարական աշխատանքներ կատարելու հարթակ)
- տե՛ս ցիվ
- տախտակաշեն, տախտակակապ, փայտաշեն
- տախտակապատ, տախտակածածկ, տախտակափակ, տախտակուն