Կաղապար:Օրվա բառ/Մարտի 22, 2016 թ.
սայլակ գո
Հայերեն
Դասական ուղղագրութեամբ՝ սայլակ
վանկեր՝ սայ•լակ
Ստուգաբանություն
Գոյական
- փոքրիկ սայլ ◆ Շինականի սայլակը ձգում են առջևից լծած անասունները: (Րաֆֆի)
- ձեռքի կամ մեխանիկական փոքրիկ սայլաձև հարմարանք՝ բեռներ տեղափոխելու համար ◆ Նեղ փողոցներով... հազիվ է անցնում պաղպաղակ վաճառողի սայլակը: (Ակսել Բակունց)
- դեռևս չքայլող երեխաներին և հաշվանդամներին ման ածելու փոքրիկ անվավոր սայլանման հարմարանք ◆ Նրա ուշքն ու միտքը այդ րոպեին երեխայի վրա էր, որ աշխարհից անտեղյակ մուշ-մուշ քնել էր սայլակում: (Բոգդան Վերդյան)
- անվավոր սայլակի ձև ունեցող հարմարանք՝ կլոր բացվածքով, որի մեջ նոր ոտք ելնող երեխան կանգնում է և հրելով առաջ շարժվում, ճռնիկ ◆ Մանկան քայլելուն նպաստելու համար պապը մի երեկո այդ քառանիվ սայլակը շինեց, որ փոքրիկ Սարիկը հրելով առաջ տանի ու սովորի ոտք կոխել: (Անահիտ Սահինյան)
- սայլանման հարմարանք՝ հատուկ գործածությունների համար ◆ Մոտոցիկլետի սայլակ:
- (տեխ․) զանազան մեքենաների զամբյուղաձև մաս, որով ծանրություններ են փոխադրում, բարձրացնում և այլն ◆ Ամբարձիչի սայլակ:
- (պատմ․) սրածայր ցցի նման երկաթյա ձողով անվավոր սայլականման պատժական գործիք՝ սարք ◆ Ձեր զավակները ձեր աչքերի առջև փղերի ոտքի կոխան կլինեն, իսկ դուք... սայլակների վրա կդատապարտվեք չարաչար մահվամբ: (Րաֆֆի)
Հոմանիշներ
- հոպնակ (արևմտհ․)