Կաղապար:Օրվա բառ/Մարտի 27, 2016 թ.
միություն գո
Հայերեն
Դասական ուղղագրութեամբ՝ միութիւն
վանկեր՝ մի•ութ•յուն
Ստուգաբանություն
Գոյական
- միասնություն
- եզակիություն
- միացում, միավորում ◆ Աբխազները ստիպվեցան կռվել նոր ուժերի դեմ և իրանց միությունը մի քանի տեղ բաժանել: (Մուրացան)
- ամուսնական և հոգեկան սերտ կապ ◆ Անսեր միությունը զարհուրելի մղձավանջ դարձրեց բովանդակ կյանքս: (Ավետիք Իսահակյան) ◆ Ամուսնությունը միայն մարմնական մերձեցում մը չէ, այլ հոգիներու և զգացումներու միություն մըն է: (Գրիգոր Զոհրապ)
- միաժամանակ և միևնույն նպատակին ձգտող գործունեություն
- մի քանի պետություններից, երկրներից, ցեղերից և այլն կազմված պետական միավորում ◆ Անհուն սիրով ես ողողված դու, Սովետական մեծ Միություն: (Գեղամ Սարյան)
- դաշնակցություն, դաշինք ◆ Կուսակցության զանազան երկրներում գտնվող ճյուղերը միանում են ու կազմում մի հսկայական միություն: (Վահան Տերյան)
- ստեղծագործական ամբողջություն, մասերի՝ տարրերի համակերպություն ◆ Այսպիսի շքեղ միությունով (անսամբլով) շատ քիչ է պատահել մեզ հետագա ժամանակներում ներկայացում տալ: (Մամուլ)
- հասարակական կազմակերպություն՝ ընկերություն
- (փխնն․) Սովետական Միություն
Հոմանիշներ
- միասնություն, միասնականություն, միավորություն, ամբողջություն
- դաշնադրություն, համաձայնություն, դաշնակցություն, դաշինք
- միացում, միավորում, շաղկապում
- կապ (հոգեկան, ամուսնական)
- կազմակերպություն, ընկերություն (հասարակական)
- միավորում (պետությունների, երկրների)
- տե՛ս եզակիություն