Կաղապար:Օրվա բառ/Սեպտեմբերի 12, 2016 թ.
Հայերեն
Դասական ուղղագրութեամբ՝ աղքատ
վանկեր՝ աղ•քատ
Ստուգաբանություն
Ծագել է հնդեվրոպական նախալեզվի oliqo- ձևից՝ -ատ մասնիկով:
Ածական
- ապրուստի անհրաժեշտ միջոցներից զուրկ, չքավոր, խեղճ, տնանկ ◆ Խեղճ աղքատը դառը դատի, դատարկ նստի։ (Ավետիք Իսահակյան)
- որևէ բան բավարար չափով չունեցող, պակասություն զգացող, խղճուկ ◆ Մեր հանրապետությունը անտառներով աղքատ է։ ◆ Գուցե սրա կուտն է աղքատ, Կամ թե փայտե վանդակն է վատ։ Հովհաննես Հովհաննիսյան
- անշուք, ճոխությունից զուրկ ◆ Այնպես աղքատ ու պարզ հագած... Թեթևաքայլ գնում էր նա: Հովհաննես Թումանյան
- ոչ ճոխ ◆ Ամեն մի տողում տասն են վանկերը, Բայց ինձ աղքատ են թվում հանգերը: Հովհաննես Թումանյան ◆ Աղքատ ընթրիքի շուրջը բոլորած նվագում են, երգում ու զվարճանում: Հովհաննես Թումանյան
- մուրացկան ◆ Մեկ էլ կամաց դուռը ճռռա՜ց, աղքատ մի մարդ կուզեկուզ... տունը մտավ սուսուփուս: (Ավետիք Իսահակյան)
Մակբայ
- աղքատի պես, կարոտություն քաշելով
Հոմանիշներ
- չքավոր, չունևոր, ընչազուրկ, անինչ, խեղճ, թշվառ, թշվառական, կարոտ, կարոտյալ, կարիքավոր, տնանկ
- աբիոն, աղկաղկ, անստացիկ, անստացիչ, անքար, խարվակ, չքոտ(ն), չքոտի, փանաքի, վատուկ (հնց․)
- անկուտ, անկուտի, լպուկ, լպուստ, պլուտ, պլեճկեր, օրուկ, տուկատ, սպլտրան, սպլտրիկ, ձեռքը դարտակ, ձեռքը կարճ, ձեռքը պակաս, տակը դատարկ, մորից մերկ, մորե մերկ, ավուր հացի կարոտ (բրբ․), գրպանում մկներ են խաղում (պարում), գրպանում մկները ջիրիդ են խաղում, թոնիրն ածես՝ շորահոտ չի գա, աղքատ Ղազարոս
- մուրացկան, մուրացիկ, մուրացող, մուրող