Կաղապար:Օրվա բառ/Սեպտեմբերի 23, 2016 թ.
Հայերեն
Դասական ուղղագրութեամբ՝ տրտունջ
վանկեր՝ տ(ը)ր•տունջ
Ստուգաբանություն
Թերևս բնիկ հնդեվրոպական՝ կրկնավոր կազմություն՝ *der- բնաձայնական արմատից՝ -ունջ վերջածանցով (մրմունջ, շշունջ). հմմտ. կիմրերեն dordd «աղմուկ», լիտվերեն dãrdēt «ճարճատել»:
Գոյական
- դժգոհություն, անբավականություն մեկից՝ մի բանից ◆ Եվ սրտերում մեր տրտունջ չկա, Մենք հավատում ենք հիմա կյանքին: Եղիշե Չարենց ◆ Ոչ տրտո՛ւնջ, ոչ մրմո՛ւնջ սգավոր, հեռացի՛ր, մոռացի՛ր ինձ հավետ: (Վահան Տերյան)
- գանգատ մի վիճակից՝ վշտից՝ ցավից ◆ Կարելի է լսել զուսպ տրտունջներ, որ շոգ է: (Ակսել Բակունց)
Հոմանիշներ
- դժգոհություն, անբավականություն (մեկից, մի բանից), քրթմնջյուն, քրթմնջոց, փնթնթյուն, փնթփնթոց, մռթմռթոց, քնթփնթոց, տրտնջյուն, տրտնջոց, տրտնջանք, տրտնջողություն, տրտնջություն, (գվռ․)՝ ծռծռոց, տռտռոց, նխնխոց, մռմռթուկ, թոնթոր, թոնթորանք (քթի տակ, անձայն), պթոց, տթտթոց, ժանգ ու ժեն, ժանգ ու ժունգ
- գանգատ, բողոք