բուրգ
Հայերեն
Արտասանություն
ՄՀԱ: [buɾɡ]
վանկեր՝ բուրգ
Ստուգաբանություն
[խմբագրել]Գոյական
- (մաթ․) (երկրչ․) երկրաչափական մարմին, որ ունի բազմանկյունի նիստ և որի եռանկյունաձև կողերը միանում են մի կետում
- քառակուսի նիստով հետզհետե նեղացող բարձր քարե շինություն, որ Հին Եգիպտոսում փարավոնները կառուցել էին տալիս որպես իրենց դամբարան ◆ Եգիպտական բուրգերը փոշի կդառնան: (Վահան Տերյան) ◆ Բելգիացի հնագետները Եգիպտոսի հարավում՝ Լուքսորում, ևս մի բուրգ են բացահայտել: Մամուլ «Արմենպրես»
- որոևէ բրգաձև քարե շինություն ◆ Կուկուլկան հայտնի բուրգի ներսուն ևս մեկ` չափերով ավելի փոքր բուրգ է հայտնաբերվել: Մամուլ «Մամուլ.am»
- աշտարակ կամ աշտարակաձև կառուցվածք ◆ Այնտեղ ավելի հեռու, լեռան հետևից ցցվել էին նավթային բուրգերի սուր գագաթները: (Շիրվանզադե)
- (փխբ․) որևէ բանի մեծ կույտ, դեզ, շեղջ ◆ Թղթերի բուրգ: ◆ Հանցավոր խումբը ստեղծել է 10.000 և ավելի ներդրողներով ֆինանսական բուրգ՝ ներգրավելով առանձնապես խոշոր չափերի դրամական և գույքային միջոցներ: Մամուլ «Առաջին լրատվական ալիք» ◆ Հիմնվելով ճիշտ սնվելու սկզբունքների վրա հասարակական առողջության հարվարդյան դպրոցի մասնագետները մշակեցին մարդու սնվելու ունիվերսալ սխեմա`սննդային բուրգը: Մամուլ «Հրապարակ»
- պարիսպների մեջ պաշտպանական նշանակություն ունեցող աշտարակ ◆ Պղնձե-քարի պարիսպներ ու դուռ / Պինդ__պղնձակուռ, կամուրջ, / Բուրգ ու բերդ պինդ պղնձակերտ: (Ավետիք Իսահակյան) ◆ Բոլոր բուրգերն ու անցքերը իսկույն կգրավես: Դերենիկ Դեմիրճյան
- (ած․) բրգաձև ◆ Ձիավորը պարթև տղամարդ էր` բուրգ գլխարկով, փայլուն կոճակներով: (Մամուլ)
- (փխբ․) հսկայական՝ վիթխարի առարկա։ ◆ Դա սեղան չէր, այլ բուրգ:
- (փխբ․) նույնն է՝ բուրջ
- ակրոբատների խմբակային դասավորությունը որոշակի կոմպոզիցիայով ձևավորված ֆիգուրայի տեսքով
- (երկրբ․) պարզ բյուրեղագիտական ձև, որի բոլոր նիստերը հատվում են մեկ կետում
Հոմանիշներ
[խմբագրել]- փայլական, հուրան (հզվդ․)
- աշտարակ
- թումբ, կույտ, դեզ
Արտահայտություններ
[խմբագրել]Թարգմանություններ
[խմբագրել]| Թարգմանություններ | |
Աղբյուրներ
[խմբագրել]- Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
- Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
- Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
- Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
- Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։
- Կ․ Կ․ Բաբայան, Մարմնամարզական տերմինների տեղեկատու բառարան («Հայաստան» հրատարակչություն), Երևան, 1985 — 184 էջ։
- Հողմիկ Սարգսյան, Ռուզաննա Սարգսյան, Երկրաբանական տերմինների եռալեզու հանրագիտական բառարան, Երևան, «Զանգակ», 2014 — 672 էջ։
- Ռ․ Ա․ Վարդանյան, Պատմական իրադարձությունների տերմինների համառոտ բառարան, Վանաձոր, 2007 — 113 էջ։
Կատեգորիաներ:
- Ձայնային ֆայլերով հայերեն բառահոդվածներ
- Հայերեն բառեր
- Հայերեն գոյականներ
- Հայերեն բառեր մաթեմատիկական իմաստով
- Հայերեն բառեր երկրաչափական իմաստով
- Քաղվածք/Վահան Տերյան
- Քաղվածք/Շիրվանզադե
- Հայերեն բառեր փոխաբերական իմաստով
- Քաղվածք/Ավետիք Իսահակյան
- Քաղվածք/Դերենիկ Դեմիրճյան
- Քաղվածք/Մամուլ
- Հայերեն բառեր երկրաբանական իմաստով
- Հայերեն հազվադեպ գործածությամբ բառեր
- Բառեր «Արդի հայերենի բացատրական բառարան» գրքից
- Բառեր «Մարմնամարզական տերմինների տեղեկատու բառարան» գրքից
- Բառեր «Երկրաբանական տերմինների եռալեզու հանրագիտական բառարան» գրքից
- Բառեր «Պատմական իրադարձությունների տերմինների համառոտ բառարան» գրքից