գլուխ չունենալ

Վիքիբառարան-ից

Հայերեն դարձվածք

  1. անտրամադիր լինել (մի բան անելու) ◆ -Վերջացրո՛ւ, գլուխ չունեմ։ ◆ -Կարծում ես, ես ունե՞մ։ Երեկոյան Երևան ◆ -Ես գլուխ չունեմ էդ տեսակ հարցուփորձերի։ (Դերենիկ Դեմիրճյան) ◆ Ոչ մեկը գլուխ չուներ Տեր-Աշոտի լուսավոր գաղափարները լսելու։ (Շիրվանզադե) ◆ Ես, այդ օրերուն... մշակույթի շատ գլուխ չունեի։ (Աշոտ Հովհաննիսյան) ◆ Ու բեքեփ [«անտրամադիր»] մարթը, խոմ դուք էլ լավ գիդիք, մասլահաթի [«զրույցի»] գլուխ չունե։ Գաբրիել Սունդուկյան ◆ Ճիշտն ասած, այսօր ման գալու գլուխ չկա։ ◆ -Սա էլ մայրիկն ուղարկեց, վաղը մորթիր։ ◆ -Է, ո՞վ գլուխ ունի,- դժկամ ձայնով ասած Հայրոն։ (Դերենիկ Դեմիրճյան) ◆ Այս բոլորին մեջ Քառլո իրավ խաֆա չուներ. մինչ Տրդատը ոչ թե կը հետևեր՝ կ՚ապրեր այդ կյանքը։ Հրաչ Զարդարյան
  2. հակված չլինել, հակում չունենալ(մի բան անելու) ◆ -Ցորեկը սաստիկ զբաղված է, երկար պատմություններու գլուխ չունի։ Լևոն Շանթ ◆ -Հասկացի՛ր, տղադ սովորելու հետ գլուխ չունի։ Գրիգոր Բալասանյան ◆ -Աղջի՛կ, ես այդ կարգի ապուշություններու տրամադրելիք գլուխ չունիմ։ Համալսարան եղած ատենս զզված էի արդեն։ Գևորգ Աճեմյան ◆ -Գիտես, որ խմելու հետ գլուխ չունեմ... բայց արի մի-մի բաժակ խմենք, որ բարով ես եկել։ (Խաժակ Գյուլնազարյան) ◆ Մոռանալով տան զբաղումները որոնց համար գլուխ ու սիրտ չէր ունեցած հորը մորը ձեռքին տակ անգամ։ Հակոբ Օշական
  3. մտադրություն չունենալ (մի բան անելու) ◆ Մարտիրոսյանն էլ գլխացավաքի մեջ ընկնելու գլուխ չուներ։ Երեկոյան Երևան ◆ Երբեք չհարմայեր [չը՛հրամայեր], քանզի պատասխատվության գլուխ չունի։ (Մաթևոս Մամուրյան) ◆ Ո՞վ գլուխ ունի հավերժական քոչվոր լինելու. օր ծերության հանգիստ, նստակյաց կյանք ես ուզում։
  4. չցանկանալ խառնվել, գլուխ չդնել, գործ չունենալ ◆ -Էլ քու գլուխ չունիմ. գնա՛ ինչ գուզիս արա։ Գաբրիել Սունդուկյան ◆ -Չէ՛, ախպեր... ինձանից ձեռք քաշեցո՛ք, ես էդպես ղալմաղալ բաների հետ գլուխ չունիմ։ (Պերճ Պռոշյան)
  5. չհասկանալ, չիմանալ ◆ Սեյիդը հավատում էր մեզ, պատի գործից էլ գլուխ չուներ։ Սերո Խանզադյան ◆ Ինքն էլ կյրիլ-կարթըիլուցը համարյա թե կլյոխ չի ունի, զատ չի գյիդըմ։
  6. հաշվի չառնել, հաշվի չնստել ◆ Թուրքական հաուբիցներ գրավող տղան գլուխ չուներ ո՛չ օրենքի, ոչ էլ սահմանադրության հետ։ Ֆրանց Վերֆել ◆ Նրանք գլուխ չունեն հիշողությունների հետ, նրանց համար այսօրն է և վաղը։ (Աբիգ Ավագյան)

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։