Հայերեն

ՄՀԱ՝ [χtɑˈnɑl]

Դասական ուղղագրութեամբ՝ վանկեր՝ խ(ը)•տա•նալ

Ստուգաբանություն

Գոյական

խիտ դառնալ, թավանալ ◆ Այդտեղ ծառերը խտանում են և կազմում գրեթե անանցանելի պատնեշ։ (Մուրացան)
խտությունը մեծանալ, տվյալ տեղում՝ վայրում քանակը աճել՝ ավելանալ՝ բազմանալ, խիտ կերպով բնակեցվել ◆ Երևանի բնակչությունը հսկայական չափերով խտանում է:
մասերը՝ մասնիկները միմյանց սեղմվել՝ հուպ գալ՝ միաձուլվել, հոծ դառնալ (ծավալի համապատասխան փոքրացումով) ◆ Ճնշման ազդեցությամբ գազը խտանում է:
թանձրանալ, հեղուկայնությունը նվազել ◆ Կաթը խտացել է:
խիտ՝ անթափանց դառնալ ◆ Մեգն է խտանում, հոգնած հայերն են փնտրում հանգրվան։ Հովհաննես Հովհաննիսյան
մեծ բազմությամբ մի տեղ հավաքվել՝ կենտրոնանալ ◆ Հրապարակում հետզհետե ամբոխը խտանում էր:
տոգորվել՝ ներծծվել մի բանով, հագենալ ◆ Մթնոլորտը խտացել էր գոլորշինեոով։
միմյանց մոտենալ, ավելի սեղմորեն տեղավորվել ◆ Խտացե՛ք ու տեղ բացե՛ք կանգնածների համար։
սեղմ՝ սերտ կերպով հյուսվել՝ միահյուսվել (գործվածքների մասին)
(փխբ․) համախմբվել, միասնանալ, կուռ միասնություն կազմել ◆ Խտանում են մեր շարքերը ոսոխի դեմ։
(փխբ․) բազմանալ, աճել, քանակապես ավելանալ ◆ ԱՄՆ-ում օրեցօր խըտանում է գործազուրկների քանակը։
(փխբ․) սաստկանալ, մեծանալ, ավելանալ, ուժգնանալ ◆ Այդ քաղաքներում ավելի էր խտանում տխրությունս։ Սիլվա Կապուտիկյան ◆ Կեսօրին տապն ավելի խտանում է, և շնչելն անհնարին է դառնում անապատում։
(փխբ․) իրար գալ, մոտենալ, հավաքվել ◆ Նրա բացված հոնքերը նորից խտացան Սերո Խանզադյան
(փխբ․) պատկերանալ, ձև՝ կերպարանք ստանալ, մարմնավորվել ◆ Եվ անցյալի ստվերները խտանում են, շոշափելի պատկերների վերածվում։
(փոխաբերական, անհանձնարարելի) լարվել, շիկանալ ◆ Մթնոլորտը խտանում էր: Դերենիկ Դեմիրճյան
(փխբ․) արագորեն միմյանց հաջորդել (դեպքերը, իրադարձությունները)
(փխբ․) ինտենսիվանալ, առավել արդյունավետ՝ լարված դառնալ ◆ Արտադրական պրոցեսները խտանում են ու խթանում պլանների գերակատարումը։
(փխբ․) հարստանալ, բովանդակալից դառնալ ◆ Կերպարները խտանաում են նորանոր գծերով և ամբողջանում։
(փխբ․) հստակ դառնալ, կողմնակի՝ անհարիր տարրերից՝ գծերից ազատվել, միատարր դառնալ ◆ Աստիճանաբար խտանում է բնավորությունը, ազատվում խորթ գծերից։
(արվեստ, արվեստագործություն) ցցուն՝ վառ՝ արտահայտիչ՝ ընդգծված դառնալ ◆ Արվեստագետը խտացած գույներով է պատկերել հերոս նահատակին։

Հոմանիշներ

Արտահայտություններ

Բաղադրյալ բառեր

Թարգմանություններ

Թարգմանություն

Աղբյուրներ

Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։