կրծքի և նրան մոտիկ հագուստի միջև ընկած տարածությունը գոտուց վերև ◆(Հովակը) գրպաններից ու ծոցից գետին թափեց մատղաշ վարունգներ: (Ավետիք Իսահակյան)◆Եվ չի անցնում կես ժամ, վերադառնում են ծոց ու գրպան լիքը: Ստեփան Զորյան
անկողին մեկ ուրիշի համար, ուր մեկը պառկում է ◆Հակոբը քնում եր տատի ծոցին: Ստեփան Զորյան
(փխբ․) ծոցագրպան ◆Ջեր ծոցում կատարյալ ուսուցչի վկայական ունեք: Հովհաննես Թումանյան
կուրծք ◆Որ թոքախտական բարակացավը բոթաբեր հազը դրեց քո ծոցում: (Րաֆֆի)◆Էս որ տեսավ կրակ ու բոց բռնկեցավ Մհերի ծոց: Ստեփան Զորյան
վերնահագուստի վերևի ներսի մասը ◆Եփրեմը ծոցի գրպանից հանեց թուղթը, ցույց տվավ, թե ում ստորագրությունները կան: (Ակսել Բակունց)◆(Նա) թղթակցությունները պահում էր յուր արխալուղի ծոցի գրպանում: (Րաֆֆի)
(փխբ․) խորք, ընդերք, գիրկ ◆Ի՞նչ գաղտնիքներ ես ծոցումդ պահել, ծով դու ալևոր, անժպիտ ծերուկ: Հովհաննես Հովհաննիսյան◆Նախաջրհեղեղյան սաստնությունները երկրի ծոցից հրահոսման հեղեղներ ժայթքելով կազմակերպել էին այստեղ խոշոր քարակարկառ բլուրներ: (Րաֆֆի)◆Բոլոր մեծ հղացումները խավարի ծոցն են գոյացել։
(փխբ․) խորշ, խոռոչ, փոս ◆Տարիներից ի վեր ջրերը մի ծոց էին գտել, գումարվել ու կուտակվել: Վրթանես Փափազյան
(փխբ․) ձոր, ծործոր ◆Բլուրների վրա լեռների խորին ծոցերում ցրված էին անթիվ մատուռներ: (Րաֆֆի)◆Լեռան՝ կիրճի ծոց:
(փխբ․) մեջ, ներսում, որևէ բանի ներսի տարածությունը, ներսը ◆Մի՞թե այն բարձրաբերձ սարերը և ծառախիտ անտառները չեն կարող պահպանել մեզ իրանց ծոցերում: (Րաֆֆի)◆Օ՜, կարասներ հսկա, ձեր կավեղեն ծոցում հովն է հիմա երգում… մի երգ։ Վահագն Դավթյան
(եկեղ․)(փխբ․) համայնք, հասարակություն ◆Եվ ահա մի ամբողջ հուղմունք է առաջանում քրիստոնյա եկեղեցու ծոցում: (Լեո)◆Մահմեդականությունը սարսափելի օրենքներ ունի. մի անգամ նրա ծոցը մտնող... և կրկին դեպի հայրենական կրոնը վերադարձող անձի համար: (Րաֆֆի)
(փխբ․) միջավայր, ոլորտ, մթնոլորտ, շրջան ◆Նա սովորել ու գիտնական էր դարձել համալսարանի ծոցում:
(աշխգր․) օվկյանոսի` ծովի` լճի այն մասը, որ խորանում է ցամաքի ներսը. ծովածոց ◆Ամենքին հայտնի էր այն անցքը, որ մի անգամ Լոբիստանի անապատներով անցնելիս դեպի Պարսից ծոցը... Բախտիարի կոչված ելուզակները մի քանի հարյւր հոգով հաձակվեցին նրա քարավանի վրա: (Րաֆֆի)
(երկրբ․) օվկիանոսի (ծովի կամ լճի) մաս, որը բավականին խոր մտնել է ցամաքի մեջ, բայց հիմնական ջրավազանի հետ ունի ազատ ջրափոխանակություն
(փխբ․) հեռավորություն (ժամանակի մասին) ◆Պայծառ շողերն հիշողության մտնում են ծոցն անցյալի: Հովհաննես Թումանյան◆Աղոթողի, մտամփոփ երազողի այդ գիրքին մեջ կնայեր տարիներու ծոցեն հեռուն, շատ հեռուն: Ռուբեն Զարդարյան
մեկին մտցել իր անկողինը և նրա հետ պառկել, մեկի հետ միասին պառկել ◆Հայրիկը թինկը տված՝ ծոցն էր առել Սուրիկին: Հովհաննես Թումանյան◆Գիշերը ծոցն առավ քնացավ: (Արփիար Արփիարյան)
իր մեջ ընդունել, իր մեջ առնել ◆կարկաչահոս Խրամը յուր ծոցն է առնում Ձորագետի վրակը` թափվում է հադարտահոս Կուրի մեջ: (Մուրացան)
ծոցը տաքացնել - շատ փող աշխատել, լավ վաստակել, հարստանալ
ծոցի բառարան - գրպանում պահվող` ծավալով փոքր բառարան, առձեռն բառարան
ծոց-ծոցի քնել - միևնույն անկողնում քնել ◆Հավքերի պես եկ, ծոց ծոցի, Իմ հազար սեր, սիրեկան, Խմենք երկնի մեղրագինին, Ծաղկունքի մեջ քուն մտնենք: (Ավետիք Իսահակյան)
նամակի ծոցում, նամակի ծոցով - (հնց․) ներփակ, նամակի մեջ, նամակով ◆Այս նամակի ծոցում կստանաք մի քանի ոտանավոր: (Րաֆֆի)◆Նամակիս ծոցով ուղարկում եմ այն ձեզ: (Մամուլ)
Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230էջ, ISBN 978-99941-1-933-2։
Հողմիկ Սարգսյան, Ռուզաննա Սարգսյան, Երկրաբանական տերմինների եռալեզու հանրագիտական բառարան, Երևան, «Զանգակ», 2014 — 672էջ։
