Jump to content

կույր բախտ

Վիքիբառարան-ից

Հայերեն դարձվածք

  1. բախտի անարդար տնօրինություն։◆ Ջիվան, կույր բախտը առասպել,/ Գույքը անպետքին է տվել։ (Ջիվանի) ◆ Հարկ էր գոհանալ այս հաջողութենեն որ կույր բախտի մը շնորհը չէր և որ դատական հաղթանակներով ձեռք բերված էր։ (Գրիգոր Զոհրապ) ◆ Թող տվեք որ ճակատագրին արդարությունն ալ անցնի։ Վասնզի ճակատագիրը, որ կույր է, տեսնողե մը ավելի արդար դատաստան կը կտրե երբեմն։ (Գրիգոր Զոհրապ) ◆ Ոչ, սա չէ․ և իմ քոռ բախտը այնպես է, որ Սերոբյան ազգանունը չպիտի լինի։ Դերենիկ Դեմիրճյան ◆ «Է՜հ, ի՜նչ քոռ բախտ․ուռկանը նետեցի, այստեղ դուրս եկան։ Աստղերը ի՜նչ ընեմ» ◆ Նման պարագայի մը՝ մարդու մեղք մի՛ առներ այլևս․ պարզապես անիծե քու չար բախտդ։ Անդրանիկ Ծառուկյան ◆ -Այդ չար բախտ ըսված կույր իշուձագն է անպայման խառնակիչը։ Էդուարդ Բոյաջյան ◆ Այդ մագազինը նա վերջին ժամանակներում, շնորհիվ յուր կույր բախտի, մի այնպիսի կատարելության հասցրեց, որ շատերն սկսեցին նախանձել։ Ն-Դ ◆ Գնաց ընկավ Վաղարշապատի փողոցներն ու սկսեց կույր բախտի առջևից փախցնել իր օրապահիկը։ Դերենիկ Դեմիրճյան

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։