ուրվական

Վիքիբառարան-ից

Հայերեն

Դասական ուղղագրութեամբ՝ ուրուական

Վանկեր՝ ուր•վա•կան 

Ստուգաբանություն[խմբագրել]

Գոյական

  1. մեռած կամ բացակա (հեռավոր) մարդու տեսիլք՝ երևույթ, որ երևում է հիվանդ երևակայությամբ կամ սնահավատ մարդկանց ◆ Այնպես էր թվում, որ բերդի փողոցներում ընկած հազարավոր դիակների ուրվականները պտտվում են յուր չորս կողմում: (Րաֆֆի) ◆ Վրիժառության սրբազան պարտքը միշտ բորբոքում էր ինձ վրեժխնդիր լինել և դրանով հաշտվել իմ նախահարց ուրվականների հետ: (Րաֆֆի)
  2. երևակայության մեջ պատկերացող երևույթ՝ կերպարանք, որևէ բանի տեսողական խաբուսիկ պատկեր ◆ Նրա աչքերի առջև ուրվականներ էին երևում՝ ուղտերի քարավան, օազիս: ◆ Վարդանի գլխի մեջ պտտվում էր Լալայի գեղեցիկ ուրվականը: (Րաֆֆի)
  3. (փխբ․) մտացածին՝ երևակայական բան, պատրանք ◆ Սեփականությունը, կապիտալը... և նման բաները ամենևին էլ երևակայության ուրվականներ չեն: (Դասագիրք)
  4. (փխբ․) որևէ բանի սպառնալիք ◆ Պատերազմի ուրվական:
  5. (ռազմ․) (սպորտ․) շարժվող խրտվիլակ՝ որպես հրաձգային վարժության թիրախ
  6. (փխբ․) ուրվականի նմանող՝ չափազանց հյուծված՝ կմախքացած՝ մեռելատիպ մարդ ◆ Վերև նայեցե՛ք, այդ ուրվականներին, որ սպառազինված ճեմում են մարտկոցների ետևում: (Վրթանես Փափազյան)
  7. առարկայի ուրվագիծը, մթության մեջ հազիվ ստվերագծվող առարկա ◆ Մշուշը նոսրանում է, երևում են ծառերի ուրվականները: (Մամուլ) ◆ Գիշերային այս սոսկալի պահուն մի քանի ստվերներ, թափառաշրջիկ ուրվականների նման, խավարի մեջ շարժվում էին: (Րաֆֆի)

Հոմանիշներ[խմբագրել]

  1. ուրու, տեսիլ, տեսիլք, ուրվապատկեր, ուրվատեսիլ, ուրվաստվեր, հոգի, ոգի, հոգեգեշ (հանգուցյալի), ստվեր (փխբ․)
  2. խաբկանք, ուրու
  3. (փխբ․) պատրանք
  4. (փխբ․) սպառնալիք
  5. տե՛ս երևակայական, ցնորական

Թարգմանություններ[խմբագրել]

Աղբյուրներ[խմբագրել]

Wiki.png
Վիքիպեդիայում հոդված կա հետևյալ թեմայով՝ Ուրվական: