ազդանշան
Հայերեն
- ՄՀԱ՝ [ɑzdɑnˈʃɑn]
Դասական ուղղագրութեամբ՝
վանկեր՝ ազ•դա•ն(ը)•շան
Ստուգաբանություն
[խմբագրել]Գոյական
- պայմանական նշան՝ մի բան ցույց տալու, հայտնելու՝ հաղորդելու համար ◆ Կարմիր վառվեց արև բորբ, որպես կռվի ազդանշան: Եղիշե Չարենց
- նշան, ֆիզիկական պրոցես, գործնթաց, որը կրում է տեղեկություն (տեղեկույթ) որևէ իրադարձության, դիտարկվող օբյեկտի վիճակի մասին կամ հաղորդում է կառավարման հրաման, ցուցում, տեղեկացում
- (ռազմ․) կանոնադրային կամ հրամանատարի (պետի) սահմանած պայմանական նշաններ ոչ մեծ հեռավորությունների վրա ենթակա ստորաբաժանումներին, զորամասերին, զորամիավորումներին կարճ հրամանները, հրահանգները, կարգադրությունները և այլ տեղեկությունները հասցնելու և հակառակ կողմի տեղեկատվությունը ստանալու համար
Հոմանիշներ
[խմբագրել]- ազդանիշ
- տագնապ, տագնապանշան
Արտահայտություններ
[խմբագրել]- սխալի ազդանշան - ձայնային կամ լուսային ազդանշան, որն առաջանում է վերահսկվող համակարգում գործողությունների ալգորիթմի խախտման դեպքում
- ռազմական ազդանշան - կանոնադրական կամ հրամանատարի (պետի) սահմանած պայմանական նշաններ՝ նախատեսված ոչ մեծ հեռավորությունների վրա հակիրճ հրամաններ, կարգադրությունների և այլ տեղեկություններ ենթակա զորքերին հասցնելու և նրանցից տեղեկություններ ստանալու համար։ Կարող են լինել ձայնային, տեսողական (դրոշակների միջոցով կամ ձեռքի շարժումներով) և ռադիոտեխնիկական միջոցներով հաղորդվող
- ազդանշանի ապագաղտնագրում - գաղտնագրված ազդանշանի վերծանում՝ վերականգնում ըստ գաղտնագրման ալգորիթմի
- ազդանշանի որսում - հակառակորդի ազդանշանների հայտնաբերմանն ու գրանցմանը նպատակաուղղված գործողությունների համալիր
- բեռնման ազդանշան - անձնակազմի տարհանման ժամանակ տրվող տեսանելի ազդանշան, որ տվյալ վայրում դեռ մնացել են մարդ կամ բեռ
- զգուշության ազդանշան - տե՛ս նախազգուշացնող ազդանշան
- աղետի ազդանշան
- լուսային ազդանշան
- հրդեհի ազդանշան
- շեփորի ազդանշան
- վայրէջքի ազդանշան
- օդային տագնապի ազդանշան
| Ի արտաքին հոլովում | ||
| Եզակի թիվ | Հոգնակի թիվ | |
| Ուղղ. | ազդանշան(ը) | ազդանշաններ(ը) |
| Սեռ. | ազդանշանի | ազդանշանների |
| Տր. | ազդանշանի(ն) | ազդանշանների(ն) |
| Հայց. | ազդանշան(ը) | ազդանշաններ(ը) |
| Բաց. | ազդանշանից | ազդանշաններից |
| Գործ. | ազդանշանով | ազդանշաններով |
| Ներգ. | ազդանշանում | ազդանշաններում |
| Բաղադրյալ բառեր | |
| Թարգմանություններ | |
Աղբյուրներ
[խմբագրել]- Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
- Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
- Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
- Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
- Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։
- Լ.Վ. Քոթանջյան, Ս.Ե. Ներսիսյան, Հայերեն ռազմական տերմինների բացատրական բառարան, Երևան, 2006 — 408 էջ։