բարձրություն

Հայերեն

• ՄՀԱ՝ [bɑɾd͡zɾutʰˈjun]

Դասական ուղղագրութեամբ՝ բարձրութիւն

վանկեր՝ բարձ•րութ•յուն 

Գոյական

1. բարձր, բարձրահասակ լինելը ◆ Սմբատին տեսնելով, նա ոտքի կանգնեց ու բարևեց, երևան հանելով իր հասակի բարձրությունը։ (Շիրվանզադե)
2. ուղղահայաց տարածությունը դեպի վեր ◆ լեռան բարձրություն
3. բարձր տեղ երկրի մակերեսին, բարձրունք (բլուր և այլն)
4. գետնի և նրանից բարձր գտնվող որևէ բանի միջև եղած ուղղաձիգ տարածությունը ◆ թռիչքի բարձրություն
5. երկրի մակերևույթի որևէ կետի ուղղահայաց գծով ծովի մակերևույթից վեր գտնվելու տարածությունը ◆ Սևանա լիճը գտնվում է 1916 մ բարձրության վրա:
6. երկրից վերև, բարձր տեղ, բարձունք ◆ երկնքի անհուն բարձրություն
7. որևէ վայրի բարձր տեղը, կետը ◆ Եթե վաղվան սպասենք, ապստամբները լեռան բարձրությունները կգրավեն և մեզ երկու կողմից կպաշարեն։ (Մուրացան)
8. որևէ բանի մեծություն, բարձր մակարդակ, աստիճան և այլն ◆ աշխատանքի արտադրողականության բարձրություն, ջերմության բարձրություն
9. որևէ վայրի՝ շինվածքի բարձր կետը ◆ Այդ միջոցին մեկը միջնաբերդի բարձրությունից խոժոռ դեմքով նայում էր, թե ինչ է կատարվում ներքևում։ (Րաֆֆի)
10. բարձր պաշտոն, դիրք, աստիճան ◆ Օ՜, որքան նա պաշտելի էր յուր դժբախտության մեջ և որքան անմատչելի յուր բարձրության վրա։ (Շիրվանզադե)
11. սաստկություն, ուժեղություն, ուժգնություն, հնչեղություն (ձայնի) ◆ ճնշման բարձրություն
12. գոռոզություն, ամբարտավանություն,
13. լուսատուի գտնվելու կետի անկյունը հորիզոնի վրա (աստղգ․)
14. լեռնային կամ բլրավետ տեղանք, որ ավելի քան 200 մետրով բարձր է ծովի մակերևույթից (աշխգր․)
15. մարմնի գագաթից հիմքին իջեցրած ամենամեծ ուղղահայացը և դրա երկարությունը (երկրչ․)
16. (հնց․) արքայազունների հարգական տիտղոս (Ձեր(դ), Նորին դերանունների հետ) ◆ Թող հրամայե ինձ Ձեր բարձրությունը։
17. վեհություն, վսեմություն զգացմունքների բարձրություն (փխբ․)
18. դրական, խրախուսական լինել ◆ Փորձը… պարզ ցույց է տալիս ձեր մասին… նրա ունեցած կարծիքի բարձրությունը: Եղիշե Չարենց

Հոմանիշներ

1. բարձունք (երկրի մակերևույթի, շրջապատի նկատմամբ հարաբերական բարձրադիր հատված)
2. մեծություն (որևէ բանի բարձր աստիճան)
3. սաստկություն, ուժեղություն(ճնշման)
4. առաստաղ (օդանավի թռիչքի և այլն) (փխբ․)

Արտահայտություններ

1. բարձրություն վերցնել - բարձրանալ, երկրի մակերևույթից դեպի վեր թռչել (նորբ․)
2. լեռան բարձրություն
3. պատշաճ բարձրություն
4. եռանկյան բարձրություն
5. կոչման բարձրության վրա լինել

Թարգմանություններ
անգլերեն՝ height, altitude, pitch գերմաներեն՝ դանիերեն՝ թուրքերեն՝ իսպաներեն՝ իտալերեն՝ հոլանդերեն՝ հունարեն՝ շվեդերեն՝ պորտուգալերեն՝ ռուսերեն՝ վրացերեն՝ ֆրանսերեն՝

Աղբյուրներ

• Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
• Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
• Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
• Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
• Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։

• Ս․ Գասարջյան, Ճարտարապետական և շինարարական տերմինների ռուս-հայերեն և հայ-ռուսերեն բացատրական բառարան, Երևան, 2007 — 572 էջ։