Կաղապար:Օրվա բառ/Հոկտեմբերի 20, 2016 թ.
Հայերեն
Դասական ուղղագրութեամբ՝ անյայտ
վանկեր՝ ան•հայտ
Կազմություն
Նախածանց՝ ան-, արմատ՝ հայտ:
Ածական
- ոչ հայտնի, թաքուն, ծածուկ մնացած
- անծանոթ, չճանաչված ◆ Անծայր է գիշերը, անհայտ է ուղին։ Եղիշե Չարենց ◆ Անհայտ, անորոշ, անձև տենչերով Ձգտում է հոգիս հեռու, շատ հեռու։ (Ավետիք Իսահակյան)
- օտարոտի
- աննշան, աչքի չընկնող, չնչին ◆ Ամեն մի անհայտ բանվոր․․․ հազար պոեմներ ունի։ Եղիշե Չարենց
- հրապարակ չհանվող, ծածուկ պահվող
- անորոշ, որոշակիորեն չսահմանված՝ չսահմանվող
- չհայտնաբերված, չհայտնագործված ◆ Եվ անհայտ էին երկրի կողմերը․ ո՞րն է արևելքը, ո՞րն՝ արևմուտքը, հարավն ու հյուսիսը։ (Հրաչյա Քոչար)
Գոյական
- (մաթ․) արոնելի՝ գտնելի մեծություն ◆ Մեկ անհայտով հավասարում։
- (բնստ․) անհայտություն
Մակբայ
- անհայտ կերպով ◆ Դու ինձ կորցրիր․ մենք ընկանք բաժան, Անհայտ գալարվեց մեր մռայլ հոգին։ (Շուշանիկ Կուրղինյան)
Հոմանիշներ
- անծանոթ, անիմաց, անիմանալի, անճանաչ, անճանաչելի, անհայտնի
- անստույգ, անորոշ, անհաստատ, երկբայական, տարակուսական
- աննշանավոր, աննշան
Արտահայտություններ
- անհայտ կորած - պատերազմում կամ որևէ աղետի ժամանակ անհայտացած (անձ) ◆ Մեկը հիշում էր անհայտ կորած որդուն և սուգ էր անում։ (Ակսել Բակունց)