Կաղապար:Օրվա բառ/Հոկտեմբերի 30, 2015 թ.
հետապնդել բայ
Հայերեն
վանկեր՝ հե•տա•պ(ը)ն•դել
Բայ
- մեկի ետևից գնալով՝ ձգտել հասնել՝ հարվածել՝ ջախջախել, հալածվելով քշել ◆ Զորքը... օր ու գիշեր ճանապարհ էր կտրել նահանջող թշնամուն հետապնդելու: Ստեփան Զորյան
- մեկի ետևից ընկնել, հետամտել (մտերմանալու՝ սիրելու և այլ նպատակով) ◆ Ադամ բոլոր շնչով ձայնեց և հետապնդեց նրան: (Ավետիք Իսահակյան)
- հանգիստ չտալ, հալածել, նեղել
- (փխբ․) ձգտել մի բան իրականացնելու, աշխատել՝ ջանալ մի բանի հասնելու
- (իրավ․) դատական գործ հարուցել
Հոմանիշներ
- կրնկել, հետևել, լարել (ժղ․), հետքը պահել, հետևից(ն) ընկնել, հետևից գնալ, հետքով գնալ, հետ ածել (գվռ․)
- հետամտել, հալածել, հետամուտ լինել, հետևից ընկնել, հետ ածել (գվռ․)
- ձգտել, հետևել, հետամուտ լինել, նպատակ դնել
- սիրահետել, սիրատածել, սիրաբանել, դարպասել (արևմտհ․), (փխբ․)՝ հետամտել, սիրաքստել (ժղ․), աչքով անել
- տե՛ս հալածել