Կաղապար:Օրվա բառ/Հոկտեմբերի 4, 2016 թ.
Հայերեն
Դասական ուղղագրութեամբ՝ տեսիլք
վանկեր՝ տե•սիլք
Գոյական
- մեռած կամ բացակա՝ հեռավոր մարդու ուրվական, որ երևում է բորբոքված՝ հիվանդագին երևակայություն ունեցող կամ սնոտիապաշտորեն տրամադրված մարդկանց, ուրու, տեսիլ ◆ -Ո՞վ ես, չքնաղ, տեսի՞լք ես դու, Թե հողեղեն արարած: Հովհաննես Թումանյան
- (սնոտ․) երազ կամ աչքի երևույթ, որ իբր պարունակում է պատգամ կամ ապագայի գուշակություն ◆ Աչքս խավարի, տեսիլք դառնամ ես,- Տեսիլք եմ տեսել գիշերս երազում: Հովհաննես Թումանյան
- (սնոտ․) (բրբ․) հոգևարքի մեջ ինքնամոռաց վիճակում գտնվող հիվանդին երևացող հաճելի երազ, որը նա սթափվելով պատմում է և որը ժողովուրդը բացատրում է այնպես, որ իբր թե այդ ժամանակ հիվանդի հոգու առաջ բացվում է արքայությունը
- առհասարակ անիրական՝ աննյութ ու անմարմին պատկերացում՝ երևույթ (մարդու, հրեշտակի, կենդանու և այլն)
- տեսք, կերպարանք, պատկեր
- (հնց․) երևալը, տեսնելը, տեսնվելը, երևում ◆ Բարձրացի՛ր, ով լուսաբեր աստղ առավոտյան, բարձրացի՛ր... Քո տեսիլքդ մեզ համար կյանքի գոյության խնդիր է: (Ջիվանի)
- ուրվական, ուրու ◆ Հապա, ո՛վ հայր, դու ի՞նչպես ես հանդգնում Տիեզերքը՝ այնպես անեզր ու անբավ Զետեղելու այնքան փոքրիկ քո գանգում... Մանուկն ասաց,- և տեսիլքը չքացավ: (Ավետիք Իսահակյան)
- երազ
- ցնորք, ցնորական պատկեր՝ երևույթ
Հոմանիշներ
- ուրվական, ուրու, տեսիլ, տեսիլապատկեր, ուրվապատկեր, ուրվատեսիլ
- տե՛ս հայտնություն
- տե՛ս երազ