Հայերեն

Դասական ուղղագրութեամբ՝ սրբագրել

վանկեր՝ ս(ը)ր•բա•գ(ը)•րել

Կազմություն

Արմատ՝ սուրբ, հոդակապ՝ -ա-, արմատ՝ գիր, վերջածանց՝ -ել:

Բայ

սրբագրություն կատարել, շարվածքը բնագրի հետ համեմատելով և կարդալով սխալնելը գտնել ու ուղղել ◆ Գիրքը սրբագրել:
որևէ գրվածք՝ շարադրանք ուշադիր կերպով կարդալ և անհրաժեշտ ուղղումներն ու փոփոխությունները կատարել ◆ Աշակերտաց շարադրությունները... տուն կբերեր սրբագրելու: Տիգրան Կամսարական
վերջնական մշակման՝ խմբագրման ենթարկել, բարեփոխելով կատարելության հասցնել (գրվածքի՝ ստեղծագործության մասին)
(փխբ․) ուղղել, շտկել, բարեփոխել, անզգույշ՝ վիրավորական կամ ոչ պատշաճ արտահայտությունը՝ խոսքը փոխելով մեղմացնել ◆ Ա՜խ ձեզի համա՞ր կխոսիք, ինքզինքը սրբագրեց իր կորուստը փնտրելով: Լևոն Շանթ
(փխբ․) փոխել, փոփոխել, որևէ բան իր կարծած բարեփոխության ենթարկել ◆ Պետք է հակառակիս, պետք է խանգարես, քայքայես անօրեն ծրագիրները, առաջն առնես նոր հաճույքներու, սրբագրես հիները: Լևոն Շանթ
(փխբ․) կատարելագործել, նորոգել, բարենորոգել ◆ Սահնակները անցնելուց հետո հարկ էր լինում թեթևակի սրբագրել ճանապարհը, այսինքն ավելացնել մի քիչ ձյուն: (Մկրտիչ Արմեն)
մաքրագրել, մաքուր արտագրել ◆ Մի քանի օր էր Արամյանը սրբագրում էր յուր ողբերգությունը մաքուր թղթի վրա: (Րաֆֆի)

Հոմանիշներ

(տպգր․) ուղղել, շտկել
շտկել, բարեփոխել
մաքրագրել, պարզագրել
տե՛ս փոխել, փոփոխել
տե՛ս կատարելագործել, բարենորոգել

շարունակել․․․