Կաղապար:Օրվա բառ/Մայիսի 16, 2016 թ.
Հայերեն
Դասական ուղղագրութեամբ՝ վերջանալ
վանկեր՝ վեր•ջա•նալ
Ստուգաբանություն
Արմատ՝ վերջ, վերջածանցներ՝ -ան-ալ:
Բայ
- (հզվդ․) վերջնակետին հասնել (ժամանակի մասին) ◆ Շաբաթը՝ ամիսը՝ գարունը վերջանալ:
- ծայրին՝ սահմանին հասնել (տարածության մասին) ◆ Ճանապարհը՝ հովիտը՝ անտառը վերջանալ:
- ավարտվելը, ավարտին հասնել (գործի՝ գործունեության՝ աշխատանքի և այլնի մասին) ◆ Աշխատանքը՝ հղկումը վերջանալ:
- սպառվել, պրծնել ◆ Հացը՝ պաշարը վերջանալ:
- որևէ հետևանքի հանգել, հետևանք ունենալ, պսակվել ◆ Բանակցությունը հաշտության պայմանագրով վերջացավ:
- գլուխ գալ, հաջողվել ◆ Համաձայնվեց երիտասարդը, ուրախանալով, որ գործը այդպես հեշտ է վերջանում: (Մուրացան)
- դադարել ◆ Աղմուկը վերջանալ:
- վերանալ, ցրվել, ցնդել, ամոքվել ◆ Տանջանքը՝ տառապանքը՝ նեղությունը վերջանալ:
- կյանքն սպառվել, կյանքի վերջը գալ, մեռնել, վախճանվել ◆ Նա տխուր նախազգում է, որ այլևս կյանքը վերջանում է: (Ակսել Բակունց)
- վերջավորվել, որպես վերջավորություն՝ վերջնամաս կամ վերջնահնչյուն ունենալ ◆ Ի-ով վերջացող բառերը ենթարկվում են ու հոլովման:
- որպես վերջաբան՝ եզրափակում՝ լուծում ունենալ ◆ Վեպը վերջանում է հերոսի ինքնասպանությամբ:
- սահմանագծվել, սահմանափակվել, որպես սահման ունենալ, եզերվել ◆ Հովիտը վերջանում է բարձրաբերձ լեռներով:
Հոմանիշներ
- ավարտվել, լրանալ, լմննալ (արևմտհ․)
- սպառվել, հատնել, պրծնել, տուտը կտրվել (գվռ․)
- հանգել
- հաջողվել, գլուխ գալ
- դադարել, կանգ առնել
- վերանալ, ամոքվել
- տե՛ս մեռնել
- վերջավորվել
- սահմանագծվել, սահմանափակվել, եզերվել