Կաղապար:Օրվա բառ/Մարտի 11, 2016 թ.

պարզություն գո

Հայերեն

Դասական ուղղագրութեամբ՝ պարզութիւն

վանկեր՝ պար•զու•թյուն 

Ստուգաբանություն

պարզ + -ություն

Գոյական

1. հասկանալի՝ մատչելի լինելը, մատչելիություն ◆ Նրա ոճը պարզության ու ինքնուրույնության առանձին կնիք էր կրում: (Նար-Դոս)
2. պարզ՝ պայծառ՝ անամպ լինելը
3. հստակություն, մաքրություն ◆ Ամեն ինչ շողում էր բյուրեղի պարզությամբ: (Քրիստափոր Թափալցյան)
4. անկեղծություն, պարզասրտություն ◆ Նա ընդհատեց իր տխուր երգը և միամիտ պարզությամբ ասաց: (Ակսել Բակունց)
5. պարզամտություն
6. հասարակ՝ անշուք լինելը ◆ Նրա հագուստի պարզությունը բոլորովին համապատասխանում էր յուր օթևանի անշքությանը: (Րաֆֆի)
7. համեստություն
8. անկաշկանդություն
9. վերաբերմունքի՝ վարվելակերպի հասարակություն
10. որոշակիություն
11. ոչ բարդ լինելը ◆ Դեպի ամեն կողմ, ուր որ նայում էիր, տիրապետում էր ոչ այնքան նրբություն և գեղեցկություն, որքան պարզություն և անխորտակելի ամրություն; (Րաֆֆի)

Հոմանիշներ

1. հստակություն, զուլալություն, պարզորակություն, վճիտություն
2. պայծառություն, անամպություն, անամպամածություն, ջինջություն
3. մաքրություն, զտություն
4. տե՛ս հասանելիություն, մատչելիություն
5. տե՛ս անկեղծություն
6. տե՛ս համեստություն
7. տե՛ս անկաշկանդություն
8. տե՛ս անզարդություն, անպաճույճություն
9. տե՛ս անբարդություն
10. տե՛ս ակնհայտություն, ակներևություն

Արտահայտություններ

1. պարզություն մտցնել - պարզ՝ որոշակի դարձնել

շարունակել․․․