Կաղապար:Օրվա բառ/Նոյեմբերի 17, 2016 թ.
Հայերեն
Դասական ուղղագրութեամբ՝ գամել
վանկեր՝ գա•մել
Կազմություն
Բայ
- գամով ամրացնել, բևեռել, մեխել ◆ Նա ծնկներին դրել էր մի կաղնու տախտակ, որի վրա գամել էր մի լայն մագաղաթի թերթ։ Դերենիկ Դեմիրճյան
- (փխբ․) սևեռել, հայացքն ակնդետ մի բանի վրա պահել ◆ [Նա] արձանացավ, աչքերը սարսափահար գամելով կնոջ դեմքին։ (Նար-Դոս)
- ամրացնել մի տեղում, տեղում անշարժեցնել, շարժվելն արգելել ◆ Շղթան ինձ պինդ գամել է գետնին։ (Ավետիք Իսահակյան)
- կաշկանդել, ամրացնել
- (փխբ․) ամրապնդել (մտքում, հիշողության մեջ) ◆ Այդ մեկը լավ գամիր գլխիդ մեջ։ Դերենիկ Դեմիրճյան
- բևեռել, կենտրոնացնել
- (փխբ․) անշարժացնել (հուզմունքով, հրապուրանքով և այլն) ◆ Այդ ժպիտն այս անգամ նրան գամեց իր տեղում և ալեկոծեց սիրտը։ Ստեփան Զորյան
Հոմանիշներ
- մեխել, բևեռել, բևեռեապնդել, հեղուսել
- սևեռել, հառել, պշել
- կենտրոնացնել, բևեռել
- անշարժեցնել, մեխել
Արտահայտություններ
- անարգանքի սյունին գամել - նշավակել, հրապարակով խայտառակել