Կաղապար:Օրվա բառ/Սեպտեմբերի 10, 2016 թ.
Հայերեն
Դասական ուղղագրութեամբ՝ տպաւորութիւն
վանկեր՝ տ(ը)•պա•վո•րութ•յուն
Գոյական
- արտաքին աշխարհի առարկաների և երևույթների հետքը՝ պատկերը՝ արտացոլումը մարդու գիտակցության մեջ ◆ Բայց մի բան մոռանալ կարող չէի, մի տպավորություն մնում էր իմ մտքում անջնջելի,- այն էր Մարոյի գեղեցիկ պատկերը: (Րաֆֆի)
- (հնց․) տեսք, նմանություն ◆ Դա ոսկեգանգուր, կլորգլուխ և խոշոր կապույտ աչքերով պատանի էր, որի սպիտակ կանացի մորթին նրան տալիս էր օրիորդի տպավորություն: Դերենիկ Դեմիրճյան ◆ Առաքելոց եկեղեցին թռչունի է նման վերից - բերդից նայելիս. բայց դեմից նա թողնում է նստած վարդապետի տպավորություն: Եղիշե Չարենց
- որևէ մեկի վրա արած՝ թողած ազդեցություն՝ ներգործություն ◆ Գևորգ իշխանն զգում էր արդեն, որ յուր խոսքերը ցանկալի տպավորություն արին Սևադայի վրա: (Մուրացան)
- պատկերացում՝ կարծիք, որ առաջանում է մեկի մոտ որևէ բան տեսնելիս կամ որևէ մեկի հետ ծանոթանալիս՝ շփվելիս ◆ Հետևյալ օրը այնքան խաղաղ էր քաղաքավանում, որ տպավորություն ստեղծեց, թե ամեն ինչ բարեհաջող է: Դերենիկ Դեմիրճյան
- (հնց․) ուշադրություն
Հոմանիշներ
- հետք, դրոշմ
- ազդեցություն, ներգործություն
- պատկերացում, կարծիք
Արտահայտություններ
- տպավորություն անել՝ գործել
- որևէ բանի նմանություն առաջացնել
- որևէ զգացում առաջացնել