տպավորություն
Հայերեն
- ՄՀԱ՝ [tpɑvɔɾutʰˈjun]
Դասական ուղղագրութեամբ՝ տպաւորութիւն
վանկեր՝ տ(ը)•պա•վո•րութ•յուն
Ստուգաբանություն
[խմբագրել]Գոյական
- արտաքին աշխարհի առարկաների և երևույթների հետքը՝ պատկերը՝ արտացոլումը մարդու գիտակցության մեջ ◆ Բայց մի բան մոռանալ կարող չէի, մի տպավորություն մնում էր իմ մտքում անջնջելի, - այն էր Մարոյի գեղեցիկ պատկերը։ (Րաֆֆի)
- (հնց․) տեսք, նմանություն ◆ Դա ոսկեգանգուր, կլորգլուխ և խոշոր կապույտ աչքերով պատանի էր, որի սպիտակ կանացի մորթին նրան տալիս էր օրիորդի տպավորություն: Դերենիկ Դեմիրճյան ◆ Առաքելոց եկեղեցին թռչունի է նման վերից - բերդից նայելիս. բայց դեմից նա թողնում է նստած վարդապետի տպավորություն: Եղիշե Չարենց
- որևէ մեկի վրա արած՝ թողած ազդեցություն՝ ներգործություն ◆ Գևորգ իշխանն զգում էր արդեն, որ յուր խոսքերը ցանկալի տպավորություն արին Սևադայի վրա։ (Մուրացան)
- պատկերացում՝ կարծիք, որ առաջանում է մեկի մոտ որևէ բան տեսնելիս կամ որևէ մեկի հետ ծանոթանալիս՝ շփվելիս ◆ Հետևյալ օրը այնքան խաղաղ էր քաղաքավանում, որ տպավորություն ստեղծեց, թե ամեն ինչ բարեհաջող է։ Դերենիկ Դեմիրճյան
- (հնց․) ուշադրություն
Հոմանիշներ
[խմբագրել]- հետք, դրոշմ
- ազդեցություն, ներգործություն
- պատկերացում, կարծիք
Արտահայտություններ
[խմբագրել]- տպավորություն անել՝ գործել
- տպավորություն թողնել
- ազդել, ներգործություն՝ ազդեցություն ունենալ
- մի բանի նմանություն ունենալ, մի բանի նմանվել
- տպավորություն ստանալ - որոշ կարծիք կազմել, որոշ եզրակացության հանգել
| Ա ներքին հոլովում | ||
| Եզակի թիվ | Հոգնակի թիվ | |
| Ուղղ. | տպավորություն(ը) | տպավորություններ(ը) |
| Սեռ. | տպավորության | տպավորությունների |
| Տր. | տպավորության(ը) | տպավորությունների(ն) |
| Հայց. | տպավորություն(ը) | տպավորություններ(ը) |
| Բաց. | տպավորությունից | տպավորություններից |
| Գործ. | տպավորությամբ | տպավորություններով |
| Ներգ. | տպավորությունում | տպավորություններում |
| Թարգմանություններ | |
| |
Աղբյուրներ
[խմբագրել]- Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
- Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
- Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
- Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
- Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։