Կաղապար:Օրվա բառ/փետրվարի 18, 2016 թ.

կմախք գո

Հայերեն

Տարբեր կենդանի օրգանիզմների կմախքներ

Դասական ուղղագրութեամբ՝ կմախք վանկեր՝ կ(ը)•մախք 

Ստուգաբանություն

Թերևս փոխառություն սեմական աղբյուրից՝ գուցե ակկադերենից. հմմտ. gimāhu (kima(h)hu(m)) «գերեզման»:

Գոյական

1. մարդու և կենդանիների մարմնի ոսկորների ամբողջությունը ◆ Ինչքան ոսկորներ, կմախքներ անթաղ Հովհաննես Թումանյան, ◆ Հենց որ դիակը թողնում են հեռանում՝ թռչունները մաքրում են միսը, թողնում են կմախքը Դերենիկ Դեմիրճյան ◆ Մի պարոն եվրոպական տարազով, նիհար, ինչպես կմախք, ... (Շիրվանզադե)
2. շինության՝ շինվածքի ներքին հիմնամասը, հիմնակմախքը ◆ Քաղաքային լողափի դեմ հանդիման` ասես դանակով մեջտեղից կտրած, բարձրահարկ մի շենքի կմախք է կանգնած։, ◆ Շենքի կմախքը պահպանվել է, և դրա վրա շարվել են նոր պատեր։ (մամուլից) ◆ ․․․ջրասուզակները պատահաբար նավի կմախք հայտնաբերեցին:
3. (փխբ․) որևէ բանի նախնական հիմքը՝ հենքը ◆ Կարող եմ համարձակ ասել, որ յուր գրվածքները․․․ Նրա կենդանի խոսածների ու քարոզածների կմախքներն էին (Մուրացան)
4. (փխբ․) չափազանց նիհար ◆ Սակայն այս կես կմախքն իր երջանիկ անցյալից անխախտ պահպանել էր երկու բան - առողջ ստամոքս և մշտապես տրտնջող լեզու (Շիրվանզադե)

Հոմանիշներ

1. ոսկերոտիք, ոսկրոտի
2. հիմնակմախք, հիմնամաս
3. հենք
4. ուրվագիծ

Արտահայտություններ

1. կմախք դառնալ -
   1. կմախքանալ
   2. սաստիկ նիհարել
2. կես կմախք

շարունակել․․․