կմախք

Վիքիբառարան-ից

Հայերեն

«կմախք» ժեստը հայերեն ժեստերի լեզվով
Տարբեր կենդանի օրգանիզմների կմախքներ

Դասական ուղղագրութեամբ՝ կմախք

վանկեր՝ կ(ը)•մախք 

Ստուգաբանություն[խմբագրել]

Թերևս փոխառություն սեմական աղբյուրից՝ գուցե աքքադերենից. հմմտ. gimāhu (kima(h)hu(m)) «գերեզման»[1]։ < հուն. skeletos, բառացի՝ չորացած

Գոյական

  1. մարդու և կենդանիների մարմնի ոսկորների ամբողջությունը ◆ Ինչքան ոսկորներ, կմախքներ անթաղ Հովհաննես Թումանյան, ◆ Հենց որ դիակը թողնում են հեռանում՝ թռչունները մաքրում են միսը, թողնում են կմախքը Դերենիկ Դեմիրճյան ◆ Մի պարոն եվրոպական տարազով, նիհար, ինչպես կմախք, … (Շիրվանզադե)
  2. շինության՝ շինվածքի ներքին հիմնամասը, հիմնակմախքը ◆ Քաղաքային լողափի դեմ հանդիման` ասես դանակով մեջտեղից կտրած, բարձրահարկ մի շենքի կմախք է կանգնած։, ◆ Շենքի կմախքը պահպանվել է, և դրա վրա շարվել են նոր պատեր։ (մամուլից) ◆ …ջրասուզակները պատահաբար նավի կմախք հայտնաբերեցին։
  3. (փխբ․) որևէ բանի նախնական հիմքը՝ հենքը ◆ Կարող եմ համարձակ ասել, որ յուր գրվածքները… Նրա կենդանի խոսածների ու քարոզածների կմախքներն էին (Մուրացան)
  4. (փխբ․) չափազանց նիհար ◆ Սակայն այս կես կմախքն իր երջանիկ անցյալից անխախտ պահպանել էր երկու բան - առողջ ստամոքս և մշտապես տրտնջող լեզու (Շիրվանզադե)

Հոմանիշներ[խմբագրել]

  1. ոսկերոտիք, ոսկրոտի
  2. հիմնակմախք, հիմնամաս
  3. հենք
  4. ուրվագիծ

Արտահայտություններ[խմբագրել]

  1. կմախք դառնալ
    1. կմախքանալ
    2. սաստիկ նիհարել
  2. կես կմախք[2]
  3. կենդանի կմախք[2]
Թարգմանություն[խմբագրել]

Ծանոթագրություններ[խմբագրել]

  1. Հայերեն ստուգաբանական բառարան, Գևորգ Ջահուկյան։ «Ասողիկ» Հրատարակչություն, Երևան, 2010
  2. 2,0 2,1 Հայերեն դարձվածքների ընդարձակ բացատրական բառարան, Պետրոս Սարգսի Բեդիրյան։ Երևանի Պետական Համալսարանի Հրատարակչություն, Երևան, 2011։

Աղբյուրներ[խմբագրել]

  • ժամանակակից հայոց լեզվի բացատրական բառարան․ Հրաչյա Աճառյանի Անվան Լեզվի Ինստիտուտ։ Հայկական ՍՍՀ Գիտությունների Ակադեմիայի Հրատարակչություն, Երևան, 1974։
  • հայոց լեզուի նոր բառարան, Արտաշէս Տէր Խաչատուրեան, Հրանդ Գանգրունի եւ Փարամազ Կ. Տօնիկեան։ Կ. Տօնիկեան եւ Որդիք Հրատարակչատուն, Պէյրութ, 1968։
  • Ս․ Գասարջյան, Ճարտարապետական և շինարարական տերմինների ռուս-հայերեն և հայ-ռուսերեն բացատրական բառարան, Երևան, 2007 — 572 էջ։
Վիքիպեդիայում հոդված կա հետևյալ թեմայով՝ Կմախք: