Կաղապար:Օրվա բառ/փետրվարի 26, 2016 թ.
պատարագ գո
Հայերեն
Դասական ուղղագրութեամբ՝ պատարագ վանկեր՝ պա•տա•րագ
Ստուգաբանություն
Փոխառություն իրանական աղբյուրից, բայց բուն աղբյուրը հավաստված չէ:
Գոյական
- (կրոն․) քրիստոնեական եկեղեցու գլխավոր, պաշտամունքային արարողություն՝ որպես հիշատակ խորհրդավոր ընթրիքի, այլև որպես հաղորդության խորհուրդ ◆ Բազմությունը շտապում էր դեպի վանքը պատարագ տեսնելու և սուրբ տիրամոր գերեզմանը համբուրելու: (Րաֆֆի)
- ժամերգություն, ժամասացություն
- (երժշտ․) պատարագի ժամանակ երգվող կամ նվագվող երաժշտություն՝ եղանակ ◆ Քառաձան պատարագ:
- (փխբ․) հաճելի ու խորհրդավորությամբ տոգորված երգեցողություն՝ նվագ՝ ճռվողություն և այլն
- (հնց․) նվեր, ընծա, զոհ
Հոմանիշներ
- (կրոն․) մեսսա, հոգեհանգիստ
- տե՛ս ժամերգություն
- տե՛ս նվեր, ընծա
- տե՛ս ողջակեզ
Արտահայտություններ
- պատարագ կանգնել - պատարագ սկսվել ◆ Ու ժամի ծխոտ կամարների տակ կանգնած էր արդեն տխուր պատարագ: Հովհաննես Թումանյան
- պատարագ մատուցել՝ մատուցանել - պատարագել, պատարագի արարողություն կատար ◆ Նա տիրոջ սուրբ սեղանի վրա պատարագ էր մատուցանում, բայց հարկը պահանջած ժամանակ՝ առաջնորդում էր զորքին դեպի պատերազմ: (Րաֆֆի)
- հանդիսավոր պատարագ - բարձրաստիճան հոգևորականների մատուցած պատարագ ◆ Այդ միջոցին Բյուրականի եկեղեցում հանդիսավոր պատարագ էր մատուցանում Սահակ եպիսկոպոսը: (Մուրացան)
- ձայնավոր պատարագ - պատարագ երգեցողությամբ
- թիվ պատարագ - պատարագ առանց երգեցողությամբ