Կաղապար:Օրվա բառ/փետրվարի 6, 2016 թ.
չափել բայ
Հայերեն
Դասական ուղղագրութեամբ՝ չափել
վանկեր՝ չա•փել
Ստուգաբանություն
Բայ
- մի բանի մեծությունը որոշել, համեմատել իբրև միավոր ընդունված չափի հետ ◆ Չափել հոսանք ուժը: ◆ Չափել ջրի ջերմությունը: ◆ Երկարությունը չափում են երկարության չափերով, մակարդակը՝ քառակուսի չափերով: Ստեփան Մալխասյանց ◆ Որդին ռուսական կտավը չափում էր ռուսական արշինով: (Ակսել Բակունց)
- ստուգել, հաշվել, որոշել, չափն իմանալ ◆ Այսուամենայնիվ, մենք պետք է չափենք մեր ուժերը,- նկատեց Մուշեղը: (Րաֆֆի) ◆ Նրանցից ամեն մին զգում էր, թե երկիրը որքան շատ է տուժել դրանց գժտությունից, և միևնույն ժամանակ չափում էր, թե որքան շահ կարող է ստանալ նա այդ քաղցր հաշտությունից: (Մուրացան)
- (հնց․) չափերի՝ չափման որոշ միավորի համապատասխանությամբ բաժանել
- (հզվդ․) բաժին հանել ◆ Նա գիտեր, որ աստված չարիքը չափում է հանցավորին, իսկ բարիքը արդար մարդուն: (Մուրացան)
- տևողությունը՝ ժամանակը որոշել
- մեծ տարածություն անցնել՝ ընթանալ ◆ Թռչուններն անգամ չէին համարձակվում չափել ծովի անհուն տարածությունը և մերձենալ նրա անհյուրընկալ ափերին: (Րաֆֆի) ◆ Եվ քարավանը մեղմիկ կարկաչով չափում էր ուղին: (Ավետիք Իսահակյան)
- համեմատել
- մի տեղով գնալ-գալ, շրջագայել, ման գալ ◆ Ոմանք սիրում էին չափել փողոցները աշխարհի չարն ու բարին այդ տեղերում ուսումնասիրելու նպատակով: (Մուրացան)
- մահակով կամ ճիպոտով զարկել՝ ծեծել ◆ Չոբանի կռիվ չի, որ մահակներով իրար չափեն: (Ակսել Բակունց)
- ուշադիր նայել ◆ Հայացքով Սպիտակի լանջերը չափեց Լևոնը: (Նաիրի Զարյան)
- թափառել, պարապ-սարապ ման գալ, չափչփել
- (խսկց․) ամանով ջուր լցնել մեկի վրա
- (ժղ․) ապտակել
- ոտից գլուխ նայել մեկին, տնտղել, զննել
- (փխբ․) գնահատել, որոշել, բնորոշել