ագի

Վիքիբառարան-ից
Jump to navigation Jump to search

Հայերեն

ալիգատորի պոչ
կարիճի պոչ

Դասական ուղղագրութեամբ՝ ագի

վանկեր՝ ա•գի 

Ստուգաբանություն[խմբագրել]

Ծագումն անհայտ է:

Գոյական

  1. Վան՝ (հնց․) պոչ ◆ Աղվեսն եկել, նստել դեզին, Երկար ագին ծռել վզին: Հովհաննես Թումանյան
  2. Ակն, Վան՝ (փխբ․) կանանց զգեստի ետևի երկար քղանցք ◆ Ի՞նչ ես ագիդ քաշ տալով գնում, վեր հավաքի։ (Առաքել Քեչյան)
  3. Պարտիզակ՝ (փխբ․) անբաժան ընկեր ◆ Ագիս ինձմե չի զատվեր։ Գուրգեն Մահարի
  4. Ակն՝ մաճի հետևի մասը
Հոմանիշներ[խմբագրել]
  1. պոչ, ձետ (թավամազ կամ ձարավոր), տուտ, տտուն (հանդերձի)
Արտահայտություններ[խմբագրել]
  1. ագի շարժել, ագի խաղացնել - տե՛ս պոչ շարժել
  2. Ղարաբաղ՝ ագին կշկռել (հնց․) -
    1. Ագուլիս՝ վանել, հեռացնել, վռնդել
    2. թողնել գնալ, հեռանալ
  3. Մալաթիա՝ ագեցը ծերը նախշուն - խորամանկ, կեղծավոր
  4. Ղարաբաղ, Սեբաստիա՝ ագի դառնալ - հետևից քարշ գալ
  5. ագի լինել - մեկից անբաժան լինել, պոչից քարշ գալ ◆ Ի՞նչ ես ետևից ման գալիս, հաքի՞ ես, ի՞նչ է։ (Հրաչյա Աճառյան)
  6. Ղարաբաղ, Սեբաստիա՝ ագի թակել, ծեծել - շողոքորթել, քծնել
  7. Պարտիզակ՝ ագի կախել - մականուն կպցնել
  8. Սեբաստիա՝ ագի փարտել - տե՛ս ագի ծեծել
  9. ագիին հետ խաղալ -
    1. հիմարություններ անել
    2. տե՛ս ագուն հետ խաղալ
  10. Մալաթիա՝ ագին ագուն փաթաթել - դավադրությանը մասնակից լինել
  11. Ղարաբաղ՝ ագին բուլի-բուլի անել -
    1. ագին՝ պոչը շարժել (շան մասին)
    2. (փխբ․) քծնել, շողոքորթել, պոչ խաղացնել ◆ Ի՞նչ ես ագիդ բուլի-բուլի անում։ (Հրաչյա Աճառյան)
  12. Սեբաստիա՝ ագին դռան արանքը թողնել - հանցանքի մեջ բռնվել, պատիժ կրել
  13. Սեբաստիա՝ ագին թավի կոթ դարձնել - չարաչար ծեծել, խոշտանգել
  14. Եվդոկիա՝ (փխբ․) ագին թեթև - ուլ
  15. ագին ժողվել -
    1. պոչը իրեն քաշել, հավաքել
    2. (փխբ․) սնանկանալ
  16. Սեբաստիա՝ ագին իրեն քաշել -
    1. խելոքանալ, խելքը գլուխը հավանել
    2. զգուշավոր կյանք վարել
    3. Ղարաբաղ՝ պարտությունից հետո մի կողմ քաշվել
  17. Ղարաբաղ՝ ագին խոր թաղել, հաքին խըլըվզտ անել -
    1. իրեն ծանր պահել՝ ծանր ծախել ◆ Մենք քեզ բանի տեղ ենք դնում, դու էլ ագիդ խոր ես թաղում։ (Հրաչյա Աճառյան)
    2. զգացածը՝ մտածածը չարտահայտել՝ մութ, չբացահայտված, հեռուն գնացող գաղտնիքներ և արմատներ ունենալ
  18. ագին ծալել՝ կտրել - ձեռք քաշել, պաշտոնից հրաժարվել
  19. Ղարաբաղ՝ ագին ծաղիկ - չմահավան, քաղքենի, երևակայող
  20. ագին կծկել -
    1. դուրս վռնդել, դուրս անել
    2. մեռցնել, սպանել
  21. Ղարաբաղ՝ ագին կտրած, Հաքին հռծածուտ - իրեն չվերաբերող գործի մեջ քիթը խոթող
  22. Սեբաստիա՝ ագին հանկուշտել -
    1. պաշտոնանկ անել
    2. տե՛ս ագին կշկռել
  23. Մալաթիա՝ ագին ճերմակ - խորամանկ, կեղծավոր
  24. ագին նի քաշել - մեղմանալ, հանդարտվել
  25. ագին սառնումը մնալ - հակառակ ջանքերին, նպատակին չհասնել, իղձը չիրագործվել, պարտվել ◆ Ուզում էր խաղը ինքը տանել, հաքին սառնումը մնաց։ (Հրաչյա Աճառյան)
  26. ագին տափերը թակել - քծնել, շողոքորթել
  27. ագին տնկել - մեռնել, սատկել ◆ Չոփուռ Ղանդոն ագին տնկել ա։
  28. ագին ցից, ցեց -
    1. պոչը վեր տնկած
    2. (փխբ․) հպարտ, մեծամիտ, ինքնահավան ◆ Հաքին ցից գնում ա։ (Հրաչյա Աճառյան)
    3. ոչ հոժարակամ, հարկադրված ◆ Սաղ օրը հաքին ցեց լվանում, թափում ա։ (Ձեռագիր)
  29. ագին քաշ տալ - թույլ-թույլ քայլել ◆ Հաքին քաշ տալով եկավ։ (Հրաչյա Աճառյան)
  30. Սեբաստիա՝ ագուն հետ խաղալ - իր հասակին անվայել և անհարմար կատակներ անել
  31. Սեբաստիա՝ ագուն ներքև փուշ դնել - անհանգիստ դարձնելու պատճառներ ստեղծել, մտատանջություն պատճառել
  32. Խարբերդ՝ ագուն տալ - ծեքծեքվելով, կոտրատվելով քայլել

Աղբյուրներ[խմբագրել]