ազդել

Վիքիբառարան-ից
Jump to navigation Jump to search

Հայերեն

Դասական ուղղագրութեամբ՝


վանկեր՝ ազ•դել 

Ծագում[խմբագրել]

Ազդ արմատը ծագել է հին պարսկերեն՝ azdā լուր, պահլավերեն՝ azd լուր, մանիքեական պահլավերեն՝ azd հայտարարել, azdegar ծանուցող, տեղեկաբեր, աֆղաներեն՝ zdą, սանսկրիտ՝ अद्धा addhā ապահով, ստույգ, հաստատ: Իրանյան բառը պետք է ունեցած լինի ներգործություն, ուժ նշանակությունը:

Պահլավերենի միջոցով բառը փոխառությամմբ անցել է նաև արամերենի՝ אור azd, אורא azdā ձևով, որը նշանակում է նախ ազդ, լուր:

Ազդ արմատը օգտագործվել է Դանիելի մարգարեության մեջ, որտեղ բառի իմաստն անորոշ է (Դան. բ. 5.) millətā minnī aẓdā: Հունարեն թարգմանությունն ունի ό λόγος ἀπ᾿ ἐμοῠ ἀπέστη, հայերեն՝ բանն վերացաւ յինէն, վուլգատան՝ Sermo recessit a me, որտեղ՝ azdā բառը կունենա λόγος բան խոսք, sermo նշանակությունը: Այս դեպքում արամերեն azdā բառը նույնանում է մեր ազդու բառի հետ:

Բայ

  1. ներգործել, նորգործություն ունենալ ◆ Բարենպաստ եղանակը ազդում է բերքի բարձրացման վրա:
  2. տպավորություն թողնել, ենթարկել իր ազդեցությանը
  3. դրդել, հրահրել
  4. շարժել, շարժման մեջ դնել
  5. հուզել, որևէ զգացմունք առաջացնել ◆ Հոր մահը նրան խիստ ազդել էր: (Նար-Դոս)
  6. (հնց․) հայտնել
Հոմանիշներ[խմբագրել]
  1. ներգործել, ներազդել, գործել, ազդեցություն ունենալ, ազդեցություն գործել, հետք թողնել, հետևանք տալ
  2. (խսկց․) բռնել (ոգելից խմիչք)
  3. տպավորել, ներշնչել
  4. թելադրել, հուզել, դրդել, սադրել, գրգռել, մղել, լարել, հրահրել
  5. (հզվդ․) մռտել
Արտահայտություններ[խմբագրել]
  1. երկյուղ ազդել
  2. ուժով ազդել
  3. նյարդերի վրա ազդել

Թարգմանություններ[խմբագրել]

Աղբյուրներ[խմբագրել]