ածուխ

Վիքիբառարան-ից
Jump to navigation Jump to search

Հայերեն

Ստուգաբանություն[խմբագրել]

Ածական

  1. (գուն․) (փխբ․) մուգ սև
  2. շատ սև


Աղբյուրներ[խմբագրել]

  • Անահիտ Հայրապետյան, Գունանունների բացատրական բառարան, Երևան, «Նաիրի», 2004 — 40 էջ։


Հայերեն

Coal.jpg

Դասական ուղղագրութեամբ՝

վանկեր՝ ա•ծուխ 

Ստուգաբանություն[խմբագրել]

Թերևս կապ ունի հնդեվրոպական * angelo- «ածուխ» նախաձևի հետ (* ang կամ * ong «ածուխ»)․ հայերենի համար ենթադրելի են * ang՛olo- > * անծող > անձող և ang՛ōlo > * անծուղ > ածուղ- > ածուխ՝ բաղարկմամբ ծուխ բառի հետ․ հմմտ․ հին հնդկերեն angāra, angišt, պրուսերեն, լիտվերեն anglis, սլավոներեն agli «ածուխ»։

Գոյական

  1. բուսական կամ կենդանական մարմիններից բարձր ջերմության ներգործությամբ ստացվող նյութ ◆ Այժմ հավաքվել էին և այն ընկերները, որոնք ցերեկով անտառի զանազան տեղերում ածուխ էին պատրաստում։ (Րաֆֆի)
  2. փայտի այրված կտոր ◆ Խարույկի շիկացած ածուխները բաց անելով, գնտակները թաղում էին տաք մոխրի մեջ, կրկին ծածկում էին ածուխներով։ (Րաֆֆի)
  3. քարածուխ
  4. (գյուղտնտ․) ցորենի և այլ ընդեղենների հիվանդություն, որից հատիկները սև փոշի են դառնում, մուր
  5. կրակ, այրվող ածխակտոր ◆ Նրան թվում է, թե կատվի շողշողուն աչքերը այրվող ածուխներ են, կրակխառնիչը մոտեցնում է, որ խառնի ու վառի կրակը: Գրիմ եղբայրներ
  6. մուր
  7. (աշխգր․) բուսական ծագում ունեցող այրվող նստվածքային ապարներ

Ածական

  1. (փխբ․) շատ սև

Հոմանիշներ[խմբագրել]

  1. փայտածուխ, (ժղ․) գործելի, անձող
  2. քարածուխ, բնածուխ, հանքածուխ, գետնածուխ, ածխաքար
  3. մրիկ, (գվռ․)՝ մրեկ, մրուկ
  4. սև, սևագույն, սևաթույր, սևորակ, սևաթորմի, սևաթորմիկ, ածխագույն, մրագույն, գիշերագույն, գիշերաթույր, (հնց․)՝ արջն, արջնագույն, արջնաթույր, արջնաներկ, արջնահեղց, սևահեղց, արջնատեսակ, արջնատեսիլ, արջնատես, ճնդիկ

Արտահայտություններ[խմբագրել]

  1. ածուխ կտրել - ածուխ դառնալ, ածխանալ ◆ Խորթ մերն ու իր աղջիկներն արդեն էրվել, ածուխ էին կտրել: Հովհաննես Թումանյան

Աղբյուրներ[խմբագրել]

  • Գրգեարյան Հ․Ղ․, Հարությունյան Ն․Մ․, Տնտեսական աշխարհագրության տեղեկատու բառարան (խմբ. Ավագյան Գ․Ե․), Երևան, ««Լույս» հրատարակչություն», 1982 — 408 էջ։
Wiki.png
Վիքիպեդիայում հոդված կա հետևյալ թեմայով՝ Ածուխ: