աճել

Վիքիբառարան-ից

Հայերեն

Դասական ուղղագրութեամբ՝ աճել

վանկեր՝ ա•ճել 

Կազմություն[խմբագրել]

Արմատ՝ աճ, վերջածանց՝ -ել:

Բայ

  1. բուսնել ◆ Ուր են դաշտերը, ուր որ մեզ համար աճում են բրինձ և այլ բարիքներ։ Հովհաննես Թումանյան
  2. մեծանալ, զարգանալով ավելանալ
  3. հասակ առնել, մեծանալ (մարդկանց և կենդանիների մասին) ◆ Որդին աճել էր, գեղեցկացել էր, և բոլորովին այրական դեմք էր ստացել։ (Րաֆֆի)
  4. զարգանալ, աճման պրոցես ապրել (բույսերի մասին) ◆ Սերմերը, որ գարնանը պայթել էին հողի մեջ, ծծել էին սևահողի ուժն ու հյութը, լցվել էին արևով, աճել ու ուռճացել, հասունացել, հասել էին իրենց նպատակին - դարձել էին բանջար, հունդ, արմտիք։ (Ավետիք Իսահակյան)
  5. բազմանալ, շատանալ
  6. ավելանալ (քաշով, քանակով, ծավալով, արագությամբ), մեծանալ ◆ Անդրեասը տեսնում էր քաղաքը, որ աճում էր իր աղյուսով և տեսնում էր, որ աճում էր իր արյունով։ (Վահան Թոթովենց)
  7. թիվը, քանակը բազմանալ
  8. (լեզվբ․) մասնիկներ կամ աճականներ ստանալով մեծանալ (արմատը, բառը)
  9. (տեխ․) սաստկանալ, ուժեղանալ
  10. ավելի մեծ ծավալ ստանալ, սաստկանալ ◆ Սրտում բորբոքված սիրո զգացմունքը աճում էր, մեծանում։ Սերո Խանզադյան
  11. զարգանալ, առաջադիմել ◆ Կարդալով դրանք, զգում եմ, որ աճում եմ, զարգանում։ Ստեփան Զորյան
  12. (գյուղտնտ․) (անտառ․) բուսնել
Հոմանիշներ[խմբագրել]
  1. զարգանալ, առաջ գնալ (վերացական առումով, որակապես), մեծանալ (ֆիզիկապես), ուռճանալ, բարգավաճել, ստվարանալ, ավելանալ, շատանալ, բազմանալ (քանակապես), գերաճել (շատ), տճել (բրբ․), աճ տալ
  2. մեծանալ, հասակ առնել, (ժղ․)՝ բոյ անել (քաշել, քշել)
  3. սաստկանալ, մեծանալ, ուժեղանալ
  4. բուսնել, ծլել, ծլարձակել, կանաչել
Արտահայտություններ[խմբագրել]
  1. աճող սերունդ – հասարակության պատանի և երիտասարդ հատվածը

Աղբյուրներ[խմբագրել]

  • Հարությունյան Լ․ Վ․, Թանգամյան Տ․Վ, Զավարյան Է․ Լ․ և ուրիշներ, Բուսաբանական տերմինների ռուս-հայերեն բացատրական բառարան, Երևան, ««Հայբուսակ»», 2002 — 272 էջ։
  • Մ․Խ․ Պողոսյան, Ֆրանսերեն-հայերեն ագրոէկոլոգիական և անտառագիտական տերմինների համառոտ բառարան (ՀԳԱ), Երևան, 2005 — 144 էջ։