անգամ

Վիքիբառարան-ից

Հայերեն

Դասական ուղղագրութեամբ՝ անգամ

Վանկեր՝ ան•գամ 

Ստուգաբանություն[խմբագրել]

Փոխառություն իրանական աղբյուրից՝ հմմտ. միջին պարսկերեն hangam, պարսկերեն hangām, angam:

Ածական

  1. աանակական թվականների և քանակ ցույց տվող այլ բառերի հետ ցույց է տալիս կրկնություն՝ բազմապատիկություն ◆ Հինգ անգամ հինգ հավասար է քսանհինգ:
  2. դասական թվականների և հաջորդականություն ցույց տվող ածականների հետ ցույց է տալիս կրկնության կարգը (օրինակ՝ վերջին անգամ, մյուս անգամ և այլն)

Եղանակավորող բառ

  1. նույնիսկ, մինչև իսկ ◆ Դահճին անգամ դուք կդյութեք: (Վահան Տերյան)

Հոմանիշներ[խմբագրել]

  1. նվագ, հեղ (խսկց․), (բրբ․) ժում, հաղ, գամ, բերան, հետի, դիր, կուսթ, տապու, տարպա, տպա(յ), կռաթ, քառատ
  2. նույնիսկ, մինչև իսկ, մինչև անգամ

Արտահայտություններ[խմբագրել]

  1. ամեն անգամ - միշտ շարունակ ◆ Ամեն անգամ…նայում եմ երեխայիս խաղերին: (Ավետիք Իսահակյան)
  2. մի անգամ
    1. չկրկնվող մի գործողություն ◆ Խոսքը մի անգամ կասեն:
    2. մի ժամանակ, երբևիցե ◆ Եղավ՝ մի անգամ անտառի միջին Արծիվն ու կաղնին էսպես վիճեցին: (Հովհաննես Թումանյան)
  3. մի-մի անգամ - երբեմն-երբեմն
  4. մի անգամից - տե՛ս միանգամից
  5. մի անգամ, որ… - քանի որ, եթե այդպես է
  6. մեկ անգամ ընդմիշտ - վերջնականապես
  7. մինչև անգամ - մինչև իսկ, նույնիսկ

Աղբյուրներ[խմբագրել]