բալասան

Հայերեն

• ՄՀԱ՝ [bɑlɑˈsɑn]

Դասական ուղղագրութեամբ՝ վանկեր՝ բա•լա•սան 

Ստուգաբանություն

փոխառություն՝ արաբերեն balasān

Գոյական

1. զանազան ծառերից և ծաղիկներից ստացվող հյութ, որ պարունակում է խեժ և եթերային յուղեր
2. այդ հյութն ունեցող ծառերի ու ծաղիկների ընդհանուր անունը
3. զանազան բուժական խոտերից պատրաստված այլևայլ դեղեր, ըմպելիքներ, անուշահոտ օծանելիքներ ◆ Գիշերն անույշ է, գիշերն հեշտագին, հաշիշով օծուն ու բալասանով։ (Միսաք Մեծարենց) ◆ Երբ գա լուսինն ու իր բիբերը բացե՝ Հածե՝ բալասանով թող այս գիշեր մեր դուռներն օծե։ (Դանիել Վարուժան)
4. (փխբ․) սփոփանք, մխիթարություն, սպեղանի (բալզամ), դարման ◆ Մնում էր մի վիրավոր սիրտ, որի համար պակաս էր առողջարար բալասանը, որի մի կաթիլը բժշկում էր բոլոր վերքերը։ (Րաֆֆի)
5. տե՛ս հինածաղիկ ◆ Աշխարհը բուրաստան է հատուկ, մարդիկը ծաղիկ, որքան մանուշակ, վարդ, բալասան կուգան ու կերթան։ (Ջիվանի)
6. (դղբն․) բույսերից ստացվող բուրումնավետ հեղուկ, պարունակում է օրգանական ոչ ազոտային նյութեր, եթերայուղեր, խեժ, հոտավետ միացություններ, ալդեհիդներ, կետոններ, բարդ եթերներ և այլ միացություններ
7. (կենսք․) տե՛ս բալզամ

Հոմանիշներ

1. բալզամ (խեժ և եթերային յուղեր պարունակող մի քանի բույսերի ընդհանուր անուն) (բսբ․)
2. տե՛ս բալասենի
3. տե՛ս սպեղանի
4. տե՛ս սփոփանք

Արտահայտություններ

Թարգմանություններ
անգլերեն՝ balm, balsam, salve գերմաներեն՝ դանիերեն՝ թուրքերեն՝ իսպաներեն՝ իտալերեն՝ հոլանդերեն՝ հունարեն՝ շվեդերեն՝ պորտուգալերեն՝ ռուսերեն՝ бальзамин (ru) ‎(balʹzamin), бальзам (ru) ‎(balʹzam) վրացերեն՝ ֆրանսերեն՝

Աղբյուրներ

• Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
• Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
• Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
• Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
• Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։

• Հարությունյան Լ․ Վ․, Թանգամյան Տ․Վ, Զավարյան Է․ Լ․ և ուրիշներ, Բուսաբանական տերմինների ռուս-հայերեն բացատրական բառարան, Երևան, ««Հայբուսակ»», 2002 — 272 էջ։
• Է․Ս․Գաբրիելյան, Ա․Վ․Սեդրակյան, Դեղաբանական ու դեղագիտական տերմինների ռուսերեն-հայերեն-անգլերեն բացատրական բառարան, Երևան, «ՀՀ ԳԱԱ «Գիտություն» հրատարակչություն», 2010 — 116 էջ։

• Ա․Ա․ Սիմոնյան, Ա․Ա․ Գալոյան, Ռուսերեն-հայերեն կենսաքիմիական բացատրական բառարան, Երևան, «ՀՀ ԳԱԱ «Գիտություն» հրատարակչություն», 1997 — 428 էջ։