բակ

Վիքիբառարան-ից

Հայերեն

Դասական ուղղագրութեամբ՝

Վանկեր՝ բակ 

Ստուգաբանություն[խմբագրել]

Գոյական

  1. շենքի առջևում և կենտրոնում բաց տեղ՝ իբրև խաղալու և հանգստի վայր ◆ Ընդարձակ բակն ընկած է տան առաջ, որ չորս լուսավոր սենյակ ունի, փեղկերով ապակած։ (Ակսել Բակունց) ◆ Բայց, նազելի՛ս, ձեր բակում, Այն լորին է դեռ ծաղկում։ (Ավետիք Իսահակյան)
  2. (հնց․) փարախ, մակաղատեղի
  3. տան կից պարսպափակ կամ ցանկապատած բաց տեղ
  4. (հնց․) (գրք․) (փխբ․) փոքր շրջան պայծառ ծիածանի գույներից, որ երբեմն երևում է լուսատուների շուրջը։ ◆ Մեկը նորա ապագայի փառքն էր, որի պսակը երևում էր նրա աչքին վարդագույն շողերի բակով շրջապատված։ (Լևոն Միրիջանյան)
  5. նավի ամբարը, որտեղ լցնում կամ դարսում են փոխադրելի ապրանքը
  6. լուսեղեն ծիածանային օղակ լուսատուի շուրջ (օդերև.)
  7. ծծապտուկը շրջապատող մուգ կարմիր շրջանակը, լուսաբակ, ծծաբակ, պտկաբակ
  8. (հնց․) նախասենյակ հին ձևի տների առաջ

Հոմանիշներ[խմբագրել]

  1. գավիթ, շրջափակ (շենքի, տան առընթեր որոշակի տարածք)
  2. շվաք (տան առաջ ծածկված կամ պատսպարված բաց տեղ) (ժղ․)

Արտահայտություններ[խմբագրել]

  1. բակ առնել, բռնել, կապել
    1. բոլորել, լրիվ շրջան կազմել, արևի և լուսնի շուրջը գունավոր շրջան կազմել ◆ Լուսինը բակ էր բռնել։ (Անահիտ Սեկոյան)
    2. շրջապատել, շուրջը բռնել ◆ Ու հիշում եմ, թե ինչպես շուրջս կապել էին բակ՝ կանաչ խոտերը, ջրջրուկները գարնան օրերի։ (Հակոբ Հակոբյան)
  2. բակը քար գցել (մեկի) - տե՛ս ակնարկել, սիրահետել

Աղբյուրներ[խմբագրել]