բանալի

Վիքիբառարան-ից
Jump to navigation Jump to search

Հայերեն

«բանալի» ժեստը հայերեն ժեստերի լեզվով

վանկեր՝ բա-նա-լի 

Գոյական

  1. կողպեք, փականք բանալու հարմարանք ◆ Բերդակալական պաշտոնը վարում էր նա անձամբ և ամրոցի բանալիները գտնվում էին նրա ձեռքին։ (Մուրացան)
  2. զանազան մեխանիզմներ գործի գցելու, լարելու հարմարանք (օր.՝ ժամացույցի բանալի)
  3. երաժշտական գործիքներ լարելու, ձգելու հարմարանք (օր.՝ դաշնամուրի բանալի)
  4. (փխբ․) որևէ գաղտնիք լուծելու հնարավորություն, ելք, հնարք, միջոց ◆ Հանցավորը Արամն է և անոր քովն է գաղտնիքի բանալին։ «Երևանյան օրեր» ◆ Լևոնը փրկության բանալին գտավ։ «Երևանյան օրեր»
  5. ծածկագրերի պայմանական նշանների մեկնությունը
  6. զանազան կարգի ուսումնական վարժությունների, խնդիրների և այլնի պատասխանները պարունակող ժողովածու, գրքի մաս և այլն
  7. որևէ վայրի գրավման համար կարևոր դիրք, կետ, տեղ և այլն (ռազմ․)
  8. (երժշտ․) նոտաների տողի սկզբում դրվող նշան, որով նշվում է նոտաների դիրքն ըստ բարձրության ◆ սոլի բանալի
  9. (տեխ․) պտուտակներն ամրացնելու և թուլացնելու գործիք, պտուտակիչ, դարձակ ◆ ժամացույցի բանալի
  10. (լեզվբ․) գրության այն նշանները, որոնք գաղափարագիր համակարգ ունեցող (օրինակ չինարենում) գործածվում են նույնահունչ բառերը տարբերելու համար
  11. (գրադ․) բացատրություն, պարզաբանում որևէ կատալոգի՝ ցանկացած անունը կամ նյութը հեշտությամբ գտնելու համար
Հոմանիշներ[խմբագրել]
  • բութակ
  • բացարան, փակարան (հնց․)
Արտահայտություններ[խմբագրել]

Աղբյուրներ[խմբագրել]

  • Հ.Զ. Պետրոսյան, Ս.Ա. Գալստյան, Թ.Ա. Ղարագյուլյան, Լեզվաբանական բառարան, Երևան, «Հայկական ՍՍՀ Գիտությունների Ակադեմիա», 1975 — 328 էջ։
  • Դ․Ս․ Չիլինգարյան, Ե․Լ․ Երզնկյան, Պաշտպանական-անվտանգային տերմինների հայերեն-ռուսերեն-անգլերեն բացատրական բառարան, Գյումրի, «ՀՀ ՊՆ ռազմավարական հետազոտությունների ինստիտուտ», 2015 — 1196 էջ։
  • Արամ Բաբայան, Գրադարանային տերմինների բառարան (ռուս-հայերեն և հայ-ռուսերեն) (ԿՈՒԼՏՆՈՒՍ հիմնարկների գործերի կոմիտեի հրատարակություն), Երևան — 265 էջ։