բողոք

Վիքիբառարան-ից

Հայերեն

«բողոք» ժեստը հայերեն ժեստերի լեզվով

Արտասանություն

ՄՀԱ: [boγokʰ]

վանկեր՝ բո·ղոք 

Ստուգաբանություն[խմբագրել]

Բնիկ հնդեվրոպական՝ * bholo-ko-՝ * bhel- «հնչել, խոսել» բնաձայնական արմատից. հմմտ. հին սլավոներեն bela «մռնչալ», bulda «սպառնալ», պրուսերեն billit «ասել, խոսել», լիտվերեն byloti «խոսել, ճառել», լատվիերեն bilst «ասել, դիմել»։

Գոյական

  • տրտունջ՝ դժգոհություն որևէ բանից
  • պաշտոնական հայտարարություն որևէ անարդարացի կամ ապօրինի վճռի՝ որոշման, գործունեության դեմ
  • դատախազի պաշտոնական գրավոր պահանջը ապօրինի վճիռը բեկանելու մասին (իրավ․)
  • (միգ․) պետական մարմին կամ դատարան ներկայացվող պնդում, որով հայցվում է որոշակի գործողությունների իրականացում կամ որոշակի իրավունքի կամ արտոնության, ինչպես օրինակ՝ փախստականի կարգավիճակի կամ քաղաքացիական վարույթում փոխհատուցման կամ իրավական պաշտպանության իրավունքի որոշում
  • տե՛ս նաև դիմում
  • (իրավ․) դատավարական իմաստով խնդրանք բողոքողի կարծիքով անօրինաչափ կամ չհիմնավորված գործողության արդյունքն անվավեր ճանաչելու կամ էլ չհիմնավորված որոշումը վերացնելու վերաբերյալ
  • (բրվք․) որևէ բանի հրապարակայնորեն հավանություն չտալը կամ վիճարկելը


Հոմանիշներ[խմբագրել]
  • տրտունջ, դժգոհություն
  • քրտմնջուն, քրտմնջոց (ոչ բացահայտ, քթի տակ)
  • դժգոհանք, գանգատանք (հզվդ․)
  • ջալանջ (հնց․)
  • գանգատ, հայց (իրավ․)
Արտահայտություններ[խմբագրել]
  • բողոք կամ բողոքի ձայն բարձրացնել ― բողոքել
  • բողոք բերել, հայտնել, հարուցել (իրավ․) ― բողոքարկել
  • բողոք դատական հսկողության կարգով (իրավ․) ― դատարանի, օրինական ուժի մեջ մտած դատավճռի կամ որոշման դեմ բերվող բողոք
  • բողոքի գիրք կամ բողոքի կամ առաջարկությունների գիրք (գրքույկ) ― ձեռնարկություններում, հասարակական վայրերում, խանութներում և այլն պահվող հատուկ մատյան, որի մեջ հաճախորդները գրում են իրենց բողոքները, քննադատական դիտողություններն ու առաջարկությունները տվյալ հաստատության աշխատանքների կամ աշխատողների մասին

Աղբյուրներ[խմբագրել]

  • Միգրացիայի ոլորտի տերմինների բառարան, Գյումրի, «Միգրացիայի Միջազգային Կազմակերպություն», 2013 — 175 էջ։
  • Արեն Կոբալյան, Իրավաբանական համառոտ բացատրական բառարան, Վանաձոր, 2005 — 80 էջ։
  • Հարություն Ալեքսանյան, Ելեն Գոլդբերգ, Բարեվարքության եզրույթների բառարան, Երևան, «Էդիթ Պրինտ», 2016 — 128 էջ։