բուկ
Հայերեն
- ՄՀԱ՝ [buk]
Դասական ուղղագրութեամբ՝
վանկեր՝ բուկ
բուկ1[խմբագրել]
Ստուգաբանություն[խմբագրել]
Թերևս բնիկ հնդեվրոպական՝ * bhug-՝ * bheug- «ծռել» արմատից. հմմտ. հին հնդկերեն bhúja «թև, կնճիթ», գոթերեն biugan «ծռել, թեքել» (իմաստային անցման համար՝ հմմտ. լատիներեն collum, գոթերեն hals «պարանոց»՝ հնդեվրոպական * kuel- «շուռ տալ, պտտել» արմատից, այլև՝ ռուսերեն шея «պարանոց», սերբախորվաթերեն owujati «շուռ տալ» բայի կողքին)։
Գոյական
- Սասուն՝ (կզմխս․) բերանի խոռոչն ըմպանի հետ միացնող անցքը, կոկորդ
- (ժղ․) կերակրափողի վերին մաս, որկոր
- (փխբ․) վիզ, պարանոց ◆ Կառավարիչը բերել ա մի հասարակ աղլուխ, որ կապի բուկը։ (Պերճ Պռոշյան)
- (փխբ․) առարկայի (անոթի) խողովակաձև երկար մասը ◆ Ծերունին ոլորում էր մեշոքի բուկը։
- նորածիլ բույսի, գետնից մինչև տերևները ձգվող մասը
- Հաճն՝ լուլակ, շիբեթ
- Խոտուրջուր՝ կզակի տակ աճած ավելորդ միս, խպիպ
- Խոտուրջուր՝ միջուկը փտած, փուչ ◆ բուկ ծառ (Մ․Հաճյան)
Հոմանիշներ[խմբագրել]
Արտահայտություններ[խմբագրել]
- (գյուղտնտ․) բուկը բռնել, լցնել - բույսի բուկը հողով ծածկել, որպեսզի լավ արմատակալի
- բուկը պահել - ուտել-խմելու մեջ զգույշ, չափավոր լինել
- (գյուղտնտ․) բուկը տալ - նույնն է՝ բուկը բռնել
- բկին դեմ առնել, կանգնել, մնալ -
- կուլ չգնալ, չկարողանալ կուլ տալ, ուտել
- (փխբ․) չվայելել ◆ Հարամ թիքեն չեն մարսի, բկներին կկանգնի։
- բկին չոքել, նստել -
- շատ ստիպել, հարկադրել ◆ Բկիս նստեց, թե՝ մի քանի մանեթ տուր։ Սահակ Ամատունի ◆ Քա, մեղք չէ՞,- կարեկցելով ասաց մեկն իր մոտինին,- ի՞նչ է բկին չոքե։ (Հակոբ Մանանդյան)
- նեղություն տալ, նեղել ◆ Տասը հոգի բկիս չոքած ուտում են աշխատանքս։
- բկիցը ընկնել, բկից ընկնել - ախորժակից ընկնել, վատ ուտել
- բկից բռնել - ստիպել, հարկադրել ◆ Քանի ամիս բկիցս բռնել էիր, թե ինչ է՝ էն շանը պտի առնես։ (Քրիստափոր Թափալցյան)
- բկի-բկի անել - բերանում եղածը շտապ կուլ տալ
- բկիցը կտրել, բկից կտրել - իր ուտելիքներից կտրել, խնայողությամբ ուտել (ուրշին բաժին հանելու նպատակով) ◆ Սեթոն իր բկիցը կտրում, հարևաններին ա ուտացնում։
- բկումը կանգնել, մնալ - նույնն է՝ բկին դեմ առնել
- բուկը սեղմել - տե՛ս ստիպել
- բուկը թրջել - տե՛ս խմել
- Խարբերդ՝ բուկ հրել - տե՛ս յուրացնել, ուրիշի ունեցվածքը յուրացնել
- բուկը լցնել -
- բույսի բնի շուրջը հող տալ, որ լավ աճի, լավ արմատակալի ◆ Քաղհանելուց պետք է բամբակի թփերի չորս բոլորը լցնել հողով՝ բուկը լցնել։ Սահակ Ամատունի
- տե՛ս բուկլիցել
- ուտել
- կաշառել ◆ Որ տանուտերի բուկը լցնես, գործդ լավ կերթա։ Սահակ Ամատունի
- շատ կերցնել ◆ Մի գլուխ տղի բուկը լցնում ա։
- բկումդ մնա, բկիդ կպչի - չվայելես
- բկումը մնալ - տե՛ս բկին դեմ առնել
- բուկը չորանալ -
- Պոլիս՝ շատ խոսելուց կոկորդը չորանալ
- խմելու մեծ պահանջ զգալ
- բուկը պահել -
- ուտել-խմելու մեջ չափավոր լինել ◆ Բուկը չկրցավ պահել՝ պահքը կերավ։ (Հրաչյա Աճառյան)
- ուտել, ուտելիք հայթայթել ◆ Արտոն սրա-նրա տանը բուկը պահում ա։ (Ձեռագիր)
- բուկը տալ - տե՛ս բուկը լցնել ◆ Կտրոնները տնկելիս բուկ են տալիս։
Բաղադրյալ բառեր | |
Թարգմանություններ | |
բուկ2[խմբագրել]
Գոյական
- տե՛ս շեփոր
Հոմանիշներ[խմբագրել]
- տե՛ս շեփոր
Արտահայտություններ[խմբագրել]
Բաղադրյալ բառեր | |
Թարգմանություններ[խմբագրել]
Թարգմանություն
Աղբյուրներ[խմբագրել]
- Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
- Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
- Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
- Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
- Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։
Կատեգորիաներ:
- Ձայնային ֆայլերով հայերեն բառահոդվածներ
- Հայերեն բառեր
- Հայերեն գոյականներ
- Սասունի բարբառային բառեր
- Հայերեն բառեր կազմախոսական իմաստով
- Հայերեն բառեր ժողովրդական իմաստով
- Հայերեն բառեր փոխաբերական իմաստով
- Քաղվածք/Պերճ Պռոշյան
- Հաճնի բարբառային բառեր
- Խոտուրջրի բարբառային բառեր
- Քաղվածք/Մ․Հաճյան
- Հայերեն բառեր գյուղատնտեսական իմաստով
- Քաղվածք/Սահակ Ամատունի
- Քաղվածք/Հակոբ Մանանդյան
- Քաղվածք/Քրիստափոր Թափալցյան
- Խարբերդի բարբառային բառեր
- Պոլսի բարբառային բառեր
- Քաղվածք/Հրաչյա Աճառյան
- Քաղվածք/Ձեռագիր
- Բառեր «Արդի հայերենի բացատրական բառարան» գրքից