Արտասանություն

Հայերեն

ՄՀԱ՝ [ɡɑŋˈɡuɾ]

Դասական ուղղագրութեամբ՝ գանգուր

վանկեր՝ գան•գուր

Ստուգաբանություն

Բնիկ հնդեվրոպական՝ * unk-ur-o-՝ * ue(n)k- «ծռել, թեքել» արմատից. հմմտ. հին հնդկերեն vanka-vánkara «գետաոլոր», հին անգլերեն wōh «ծուռ, ոլորուն, շրջված»։

Ածական

գանգրացած, խոպոպաձև, ոլորուն (մազերի մասին) ◆ Աղջիկ է... Աչքերը սև-սև, մազերը գանգուր, Հոնքերը կեռ-կեռ, ասես մի-մի թուր։ Հովհաննես Թումանյան
գանգրահեր ◆ Հասմիկը... գրկեց նրա գանգուր գլուխը։ (Բոգդան Վերդյան)
ոլորուն, ալիքանման, խոպոպիքի ձև ունեցող (առարկա) ◆ Գանգուր թփերով կանաչ զմրուխտյա տնկաստաններում նարինջ-կիտրոնի ծառերը հագան ոսկյա մանյակներ։ (Հակոբ Հակոբյան) ◆ Եղրևանին... մինչև տանիքը հասցուցած է տերևներուն կանաչ սաղարթները և ծաղիկներու գլխահակ գանգուրները: (Գրիգոր Զոհրապ)

Հոմանիշներ

խուճուճ, գռուզ, գանգրավոր, խոպոպավոր, գանգրիկ, ոլորուն, կռուզ, կռունձ, կռնձուկ, կռժընուտ, գռզնուտ
տե՛ս գանգրահեր

Թարգմանություններ
անգլերեն՝ curly գերմաներեն՝ դանիերեն՝ թուրքերեն՝ իսպաներեն՝ իտալերեն՝ հոլանդերեն՝ հունարեն՝ շվեդերեն՝ պորտուգալերեն՝ ռուսերեն՝ кудрявый (ru) ‎(kudrjavyj), курчавый (ru) ‎(kurčavyj) վրացերեն՝ ֆրանսերեն՝

Գոյական

ոլորքներ կազմող մազեր, ոլորուն մազափունջ, խոպոպ ◆ Հովը եկավ ու գուրգուրեց գանգուրները չոբանի։ Հովհաննես Շիրազ
(փխբ․) բույսի սաղարթախիտ ու ոլորուն ճյուղեր կամ ծաղկեփնջեր

Հոմանիշներ

խոպոպ, խոպոպիք, ոլոր, գալար

Արտահայտություններ

գանգուր անել - գանգրացնել ◆ Նա մազերը գանգուր անելու համար թղթի կտորներ էր փաթաթել։ (Վահան Թոթովենց)

	Եզակի թիվ	Հոգնակի թիվ
Ի արտաքին հոլովում
Ուղղ.	գանգուր(ը)	գանգուրներ(ը)
Սեռ.	գանգուրի	գանգուրների
Տր.	գանգուրի(ն)	գանգուրների(ն)
Հայց.	գանգուր(ը)	գանգուրներ(ը)
Բաց.	գանգուրից	գանգուրներից
Գործ.	գանգուրով	գանգուրներով
Ներգ.	գանգուրում	գանգուրներում

Բաղադրյալ բառեր
գանգրագեղ գանգրագիսակ գանգրաընձյուղ գանգրաթել գանգրաթով գանգրածածկ գանգրածայր գանգրահեր գանգրաձև գանգրամազ գանգրամորուս գանգրամորուք գանգրանալ գանգրանման գանգրաշուք գանգրապսակ գանգրասաղարթ գանգրավարս գանգրավոր գանգրավուն գանգրավուշ գանգրացնել գանգրացվել գանգրացում գանգրափետուր գանգրափունջ գանգրել գանգրիկ գանգրոտ գանգրոց գանգրվել գանգրություն գանգրուկ գանգրում գանգուրածածկ գանգուրել գանգուրվել գանգուրություն գեղագանգուր ոսկեգանգուր

Թարգմանություններ
անգլերեն՝ curly գերմաներեն՝ դանիերեն՝ թուրքերեն՝ իսպաներեն՝ իտալերեն՝ հոլանդերեն՝ հունարեն՝ շվեդերեն՝ պորտուգալերեն՝ ռուսերեն՝ кудри (ru) ‎(kudri), локоны (ru) ‎(lokony), завитки (ru) ‎(zavitki), завитушки (ru) ‎(zavituški), кудряшки (ru) ‎(kudrjaški) վրացերեն՝ ֆրանսերեն՝

Աղբյուրներ

Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։